Diwali Special Recipe: दिवाळीच्या फराळात हवी खास मिठाई! हलवाई स्टाईलने झटपट बनवा बॉम्बे आईस माहिम हलवा, नोट करा पदार्थ

Diwali Special Recipe: आज आम्ही तुम्हाला दिवाळीनिमित्त बॉम्बे आईस माहिम हलवा बनवण्याची सोपी रेसिपी सांगणार आहोत. या पद्धतीने बनवलेला हलवा चवीला अतिशय सुंदर आणि टेस्टी लागतो. चला तर जाणून घेऊया रेसिपी.

Diwali Special Recipe: दिवाळीच्या दिवशी किंवा घरात पाहुणे आल्यानंतर कायमच वेगवेगळ्या मिठाई आणल्या जातात. मिठाईतील सर्वच पदार्थ चवीला अतिशय सुंदर लागतात. फराळाच्या ताटात चकली, करंजी, लाडू, शंकरपाळीसोबतच मिठाई सुद्धा ठेवली जाते. त्यातील सगळ्यांच्या आवडीचा पदार्थ म्हणजे बॉम्बे आईस माहिम हलवा. हा पदार्थ लहान मुलांपासून ते अगदी मोठ्यांपर्यंत सगळ्यांचं खूप जास्त आवडतो. बाजारातील ठराविक दुकानांमध्येच अस्सल पारंपरिक पद्धतीमध्ये बनवलेला बॉम्बे आईस माहिम हलवा मिळतो. तसेच सण उत्सवाच्या दिवसांमध्ये मिठाई बनवताना मोठ्या प्रमाणावर भेसळ केली जाते. त्यामुळे भेसळ युक्त पदार्थांचे सेवन करण्याऐवजी घरीच पदार्थ बनवावेत. घरी बनवलेले पदार्थ सुद्धा चवीला सुंदर लागतात. चला तर जाणून घेऊया बॉम्बे आईस माहिम हलवा बनवण्याची सोपी रेसिपी.(फोटो सौजन्य – pinterest)

Boondi Ladoo Recipe: दिवाळीचा गोडवा वाढवा! हलवाईसारखे मऊ बुंदीचे लाडू बनवण्याची खास पद्धत

साहित्य:

• मैदा
• साखर
• दूध
• कॉर्नफ्लॉवर
• तूप
• वेलची पावडर
• पिवळा रंग
• सुका मेवा
• केशर

Diwali 2026: गोड पदार्थ खाण्याची इच्छा होईल पूर्ण! साखरेचा अजिबात वापर न करता १० मिनिटांमध्ये बनवा शुगर फ्री मखाणा खीर

कृती:

• बॉम्बे आईस माहिम हलवा बनवण्यासाठी सर्वप्रथम, नॉनस्टिक पॅन गरम करण्यासाठी ठेवा. त्यानंतर त्यात मैदा, साखर, कॉर्नफ्लॉवर, दूध, साजूक तूप, वेलची पावडर घालून चमच्याने मिक्स करा.
• सर्व साहित्य मिक्स करून झाल्यानंतर गॅस मंद आचेवर ठेवा आणि चमच्याने सतत मिक्स करत राहा. तयार केलेल्या मिश्रणाचा घट्टसर गोळा तयार होईपर्यंत चमच्याने सतत मिक्स करत राहावे.
• बटर पेपरवर तयार केलेले मिश्रण ओतून त्यावर पुन्हा एकदा दुसरा बटर पेपर ठेवून लाटणीने लाटून घ्या.
• त्यानंतर वरून सुक्या मेव्याचे तुकडे आणि केशर काड्या टाकून हलक्या हाताने लाटणी फिरवून दाब द्या. तयार केलेल्या हलव्याचे तुमच्या आवडीनुसार तुकडे करून घ्या.
• तयार आहे झटपट बनवलेला बॉम्बे आईस माहिम हलवा. हा पदार्थ मिठाईच्या ताटात आवर्जून ठेवला जातो.