Diwali 2024: यंदाच्या दिवाळीला बनवा जाळीदार-मऊसूत अनारसे, नोट करा पारंपरिक रेसिपी

दिवाळी अवघ्या काही दिवसांवर आली आहे. फराळासाठी बनवल्या जाणाऱ्या पदार्थांपैकी एक म्हणजे अनारसे. लहानांसाठी मोठ्यांपर्यंत सर्वांनाच हा पदार्थ फार आवडतो. याची पारंपरिक रेसिपी जाणून घ्या.

यंदाची दिवाळी अवघ्या काही दिवसांवर आली आहे. यावर्षी 28 ऑक्टोबरपासून दिवाळीच्या सणाची सुरुवात होणार आहे. त्यामुळे आता सर्वत्र दिवाळीच्या सजावटीची, फराळाची, साफसफाईची तयारी सुरु झाली आहे. या सणात बनवल्या जाणाऱ्या पारंपरीक खाद्यपदार्थांपैकीच एक म्हणजे अनारसे. महाराष्ट्रीयन खाद्यसंस्कृतीत याला फार महत्त्व आहे. सणासुदीला किंवा महत्त्वाच्या प्रसंगी घरात अनारसे बनवले जातात. हा एक गोडाचा पदार्थ आहे.

अनारसे हा पदार्थ कोणाला आवडत नाही. लहानांपासून मोठांपर्यंत हा सर्वांच्या आवडीचा. तांदळाच्या पिठापासून हा पदार्थ बनवला जातो. तुम्हालाही घरी अनारसे कसे बनवायचे माहिती नसेल तर आजची ही रेसिपी तुमच्या फार कामाची ठरणार आहे. चवीला अप्रतिम लागणारा हा पदार्थ अतिशय निवडक साहित्यापासून तयार केला जातो. जाणून घेऊयात यासाठी लागणारे साहित्य आणि कृती.

हेदेखील वाचा – सकाळच्या नाश्त्याला नक्की ट्राय करा तांदळाचे थालीपीठ, झटपट तयार होते रेसिपी

साहित्य

• तांदूळ – 2 कप
• दही – 1 टेबलस्पून
• तीळ – 2 ते 2 चमचे
• पिठीसाखर – 3/4 कप
• देशी तूप – तळण्यासाठी

हेदेखील वाचा – Viral Recipe: रात्रीच्या जेवणाला बनवा झणझणीत कांद्याचा झुणका

कृती

• चवदार आणि मऊसूत अनारसे तयार करण्यासाठी सर्वप्रथम तांदूळ पाण्यात टाकून 2-3 दिवस भिजवत ठेवा
• तांदूळ भिजवताना दर 24 तासांनी याचे पाणी बदलत रहा
• ठरलेल्या वेळेनंतर तांदूळातील पाणी काढून टाकावे आणि भिजवलेले तांदूळ जाड कापडावर पसरून
• सुकण्यासाठी सावलीतच ठेवा
• जेव्हा तांदूळ बऱ्यापैकी सुकेल तेव्हा हे तांदूळ मिक्सरच्या भांड्यात टाकून याची एक भरड पेस्ट तयार करा
• यानंतर हे पीठ चाळणीतून चाळा आणि एका मोठ्या भांड्यात काढा
• आता यात पिठात दही, पिठीसाखर, थोडं तूप टाकून व्यवस्थित पीठ एकजीव करून मळून घ्या
• यानंतर यावर झाकण ठेवून हे पीठ 10-12 तास बाजूला ठेवून द्या
• यानंतर तयार पिठाचे तुम्ही तुम्हाला हवे तेव्हा खुसखुशीत अनारसे तयार करू शकता
• यासाठी कढईत देशी तूप टाकून गरम करत ठेवा
• तयार पीठ पुन्हा एकदा हलके मळा आणि याचा लहान गोळा वेगळा करा
• पिठाचे छोटे गोळे करून खसखशीत बुडवून आपल्या तळहातामध्ये दाबा आणि सपाट करा
• अशाप्रकारे सर्व अनरसे तयार करून तुपात सोडून द्या
• मंद आचेवर हे अनारसे गोल्डन ब्राऊन होईपर्यंत छान तळून घ्या
• तयार अनारसे प्लेटमध्ये काढा आणि खाण्यासाठी सर्व्ह करा