Viral Recipe: रात्रीच्या जेवणाला बनवा झणझणीत कांद्याचा झुणका

कांद्याच्या झुणक्याची एक भन्नाट रेसिपी सोशल मीडियावर शेअर करण्यात आली आहे. तुम्हालाही तुमच्या आईच्या हाथच्या झुणक्याची आठवण येत असेल तर तुम्ही ही रेसिपी एकदा नक्की ट्राय करायला हवी.

Follow Us:

Follow Us:

झुणका भाकरी या पदार्थाचे नाव तुम्ही अनेकदा ऐकले असेल. हा महाराष्ट्रीयन खाद्यसंस्कृतीतील एक लोकप्रिय आणि प्रसिद्ध पदार्थ आहे. गरमा गरम भाकरीसोबत बेसनाचा झुक्का झुणका चवीला अप्रतिम लागतो. तुम्ही जर या पदार्थाची चव अजूनही चाखली नसेल तर त्वरित आजची ही रेसिपी वाचा आणि हा पदार्थ घरी एकदा नक्की बनवून पहा.

झुणका हा एक सोपा आणि चवदार असा पदार्थ आहे. आईच्या हातच्या झुणक्याची आठवण येत असेल तर आजची ही भन्नाट रेसिपी तुम्हाला ती चव मिळवून देण्यास मदत करेल. ही रेसिपी तुम्हाला तुमच्या लहानपणाच्या दिवसांची आठवण करून देईल. याची एक सोपी रेसिपी @diplakshmi123 नावाच्या इंस्टाग्राम अकाउंटवर शेअर करण्यात आली आहे. जाणून घेऊयात यासाठी लागणारे साहित्य आणि कृती.

हेदेखील वाचा – घरी आलेल्या पाहुण्यांसाठी झटपट बनवा कुरकुरीत पोटॅटो फिंगर्स, जाणून घ्या रेसिपी

साहित्य

• बेसन पीठ
• दोन चमचे तेल
• जिरे
• मोहरी
• पातळ उभा चिरलेला कांदा
• मिरची
• कढीपत्ता
• कोथिंबीर
• आलं लसुण पेस्ट
• टोमॅटो
• धनेपूड
• जिरेपूड
• मीठ
• हळद
• तिखट

 

View this post on Instagram

 

A post shared by Yogini’s kitchen (@diplakshmi123)

हेदेखील वाचा – भाजी काय बनवावी ते सुचत नाहीये? मग झटपट बनवा दही-कांद्याची रसरशीत भाजी

कृती

• झणझणीत झुणका बनवण्यासाठी सर्वप्रथम एक गॅसवर एक कढई ठेवा
• या कढईत दोन चमचे तेल टाका
• तेल गरम झाले की यात जिरे आणि मोहरी आणि कढीपत्ता टाकून एक खमंग फोडणी द्या
• त्यानंतर आता उभा चिरलेला कांदा आणि चिरलेली मिरची टाका आणि परता
• नंतर यात आलं-लसणाची पेस्ट टाका आणि काहीवेळ शिजवा
• सर्व साहित्य नीट परतून घेतल्यानंतर यात चिरलेला टोमॅटो टाका
• त्यानंतर यात धनेपूड, जिरेपूड, मीठ, हळद आणि तिखट टाका आणि मिक्स करा
• मसाले जळू नयेत म्हणून यात हलके पाणी टाका आणि परता
• आता यात बेसन पीठ टाका आणि साहित्यात व्यवस्थित एकजीव करा
• आता यात हलके पाणी टाका आणि मिश्रण छान परतून घ्या
• त्यानंतर कढईवर झाकण ठेवून पाच मिनिटे शिजवून घ्या
• शेवटी यावर चिरलेली कोथिंबीर घाला आणि गॅस बंद करा
• तयार झुणका गरमा गरम भाकरीसोबत खाण्यासाठी सर्व्ह करा

Web Title: How to make maharashtrian onion zunka viral video recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com