डिनरसाठी अवघ्या काही मिनिटांतच बनवा ‘गार्लिक मशरूम राइस’! नोट करा रेसिपी

रात्रीच्या जेवणाला काही टेस्टी आणि हटके बनवण्याचा विचार करत आहात? मग आजची ही रेसिपी नक्की फॉलो करा. डिनरसाठी परफेक्ट, चवीला अप्रतिम आणि लहानांपासून मोठ्यांच्या पसंतीस पडणारी ही रेसिपी तुम्ही एकदा तरी नक्की बनवायला हवी. (फोटो सौजन्य: istock)

नोकरदार महिलांसाठी जेवण म्हणजे एक आवहनात्मक काम असत. कारण दिवसभर थकून घरी आल्यानंतर जेवण बनवणे अनेक महिलांच्या जीवावर येत. अशातही महिला नेहमीच झटपट आणि चवदार पदार्थांच्या शोधात असतात. म्हणूनच आज आम्ही तुमच्यासाठी डिनरसाठीची एक झटपट रेसिपी घेऊन आलो आहोत. आजच्या आपल्या रेसिपीचे नाव आहे ‘गार्लिक मशरूम राइस’. हा पदार्थ अधिकतर हॉटेलमध्ये उपलब्ध असतो मात्र आता हा चविष्ट पदार्थ तुम्ही अगदी सहज आणि काही मिनिटांतच घरी बनवू शकता. यासाठी लागणारे साहित्य आणि कृती जाणून घ्या.

साहित्य

• 2 चमचे तेल
• 8 लसूण पाकळ्या ठेचून
• 2 हिरव्या मिरच्या बारीक चिरून
• ½ इंच आले किसलेले
• 2 चमचे कांदा बारीक चिरून
• 2 चमचे गाजर बारीक चिरून
• ½ कप मशरूम लहान तुकडे
• 2 मोठे चमचे सिमला मिरची
• ½ कप चिरलेली कोबी
• 1 चमचा चिली सॉस
• 1 टीस्पून सोया सॉस
• 1 टीस्पून टोमॅटो केचप
• 1 टीस्पून शेझवान सॉस
• 1 टीस्पून व्हिनेगर
• चवीनुसार मीठ
• 1 कप बासमती तांदूळ (80% शिजलेला)
• 2 टेबलस्पून हिरवा कांदा चिरलेला
• ½ कप तळलेले नूडल्स

हेदेखील वाचा – Monsoon Recipe: खुसखुशीत ‘ब्रेड समोसा’ कधी खाल्ला आहे का? झटपट रेसिपी एकदा नक्की करून पहा

कृती

• गार्लिक मशरूम राइस बनवण्यासाठी सर्वप्रथम एका कढईत तेल टाका
• तेल गरम झाला की त्यात बारीक चिरलेला लसूण टाका आणि परतून घ्या
• यांनतर यात बारीक चिरलेली हिरवी मिरची आणि आले टाकून परतून घ्या
• नंतर यात सर्व चिरलेल्या भाज्या टाका आणि दोन ते तीन मिनिटे यांना मध्यम आचेवर परतून घ्या
• भाज्या चांगल्या शिजल्यानंतर यात चिली सॉस, सोया सॉस, टोमॅटो केचप, शेझवान सॉस, व्हिनेगर आणि चवीनुसार मीठ टाका आणि सर्व साहित्य नीट एकजीव करा
• आता यात उकडलेले बासमती तांदूळ टाका आणि मिक्स करून सर्व साहित्यात नीट एकजीव करून घ्या
• आता यावर सजावटीसाठी कांद्याची पात आणि तळलेले नूडल्स टाका
• अशाप्रकारे तुमचा गार्लिक मशरूम राइस तयार होईल
• हा गार्लिक मशरूम राइस आपल्या कुटुंबासोबत खाण्यासाठी सर्व्ह करा