Monsoon Recipe: खुसखुशीत ‘ब्रेड समोसा’ कधी खाल्ला आहे का? झटपट रेसिपी एकदा नक्की करून पहा

पावसाळा ऋतू सुरु झाला आहे. या ऋतूत नेहमीच काहीतरी कुरकुरीत आणि गरमा गरम खाण्याची इच्छा होत असते. अशात संध्याकाळच्या स्नॅक्ससाठी कोणती हटके रेसिपी शोधत असाल तर आजची ब्रेड समोसा रेसिपी एकदा नक्की करून पहा. ही एक झटपट रेसिपी आहे, जी कमी वेळेत बनून तयार होते. (फोटो सौजन्य: Pinterest)

Follow Us:

Follow Us:

नुकताच पावसाळा ऋतू सुरु झाला आहे. या ऋतूत नेहमीच काही तरी खुसखुशीत आणि टेस्टी खाण्याची इच्छा होत असते. या ऋतूत सर्वात चर्चेत आणि लोकप्रिय असलेला पदार्थ म्हणजे सामोसा. पावसाच्या थंड वातावरणात गरमा गरम सामोसा चवीला फार अप्रतिम लागतो. सामोसा मुळात कोणाला आवडत नाही. लहानांपासून मोठ्यांपर्यंत सामोसा सर्वांच्याच आवडीचा. मात्र आज आपण या सामोस्याला एक हटके स्टाइलमध्ये बनवणार आहोत.

आज आम्ही तुम्हाला ब्रेडपासून खुसखुशीत आणि खंमग सामोसा कास तयार करायचा याची एक सोपी रेसिपी सांगत आहोत. मैद्यापासून तयार केलेला सामोसा तर तुम्ही अनेकदा खाल्ला असेल मात्र आता ब्रेड समोसा ट्राय करून पहा. हा सामोसा चवीला छान लागतोच शिवाय ही रेसिपी करायला फार वेळही लागत नाही. चला तर मग जाणून घेऊयात यासाठी लागणारे साहित्य आणि कृती.

साहित्य

• 2 टीस्पून तेल
• 1/2 टीस्पून जिरे
• 1 इंच आले (बारीक चिरून)
• कोथिंबीर
• चवीनुसार मीठ
• 1/2 टीस्पून तिखट
• 1 हिरवी मिरची (बारीक चिरलेली)
• 1/4 टीस्पून गरम मसाला
• 1/4 टीस्पून आमचूर पावडर
• 3 बटाटे (उकडलेले आणि मॅश केलेले)
• 2 चमचे धणे

हेदेखील वाचा – काही गोड होऊन जाऊद्यात, श्रावणी उपवासाला आवर्जून बनवा मखान्याची पौष्टिक बर्फी!

कृती

• ब्रेड समोसा बनवण्यासाठी सर्वप्रथम एका कढईत दोन चमचे तेल टाका
• यानंतर यात जिरे, आले, हिरवी मिरची, धणे घालून परतून घ्या
• मग यात उकडलेले, मॅश केलेले बटाटे घाला आणि मिक्स करा
• यानंतर यात मिरची पावडर, गरम मसाला, आमोचर आणि चवीनुसार मीठ घाला आणि मिक्स करा
• शेवटी यावर कोथिंबीर घाला
• आता सामोसा तयार करण्यासाठी ब्रेडच्या कडा कापून घ्या
• आता लाटण्याच्या मदतीने या ब्रेड स्लाइसना चपटे करा आणि त्याला त्रिकोणी आकर द्या आणि त्याचे दोन भाग करा
• यानंतर दोन चमचे पाण्यात मैदा मिसळून द्रावण तयार करा
• यानंतर ब्रेड स्लाइसच्या अर्ध्या भागावर हे द्रावण लावा, दुमडून घ्या आणि हलके दाबून शंकू तयार करा
• यामध्ये आता एक चमचे स्टफिंग भरा आणि ब्रेडच्या कड्यावर मैद्याचे द्रावण लावून कडा बंद करून घ्या
• अशाप्रकारे सर्व सामोसे तयार करून घ्या
• यानंतर तेल गरम करा आणि तयार सामोसे यात छान कुरकुरीत होइपर्यंत तळून घ्या
• तुमचे सामोसे तयार आहेत,सॉस अथवा पुदिन्याच्या चटणीसोबत खाण्यासाठी सर्व्ह करा

Web Title: Recipe of crispy bread samosa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com