आरोग्यासाठी फायदेशीर गुलकंद घरी कसा तयार करावा? जाणून घ्या

गोड पानात वापरला जाणारा गुलकंद आता तुम्ही घरीदेखील तयार करू शकता. गुलकंद आरोग्यासाठी फार फायदेशीर असतो आणि यामुळे अनेक आजरांवर मात करता येते. वेगवगेळ्या पदार्थांमध्ये तुम्ही गुलकंदाचा वापर करू शकता. याचा वापर आणि रेसिपी जाणून घ्या.

तुम्हालाही गोड पान खायला आवडत असेल तर तुम्हाला गुलकंद नक्कीच माहिती असेल. पानात गोडव्यासाठी गुलकंदाचा वापर केला जातो. गुलकंद हा गुलाबाच्या पाकळ्या, साखर आणि औषधी वनस्पतींपासून तयार केला जाणारा एक खाद्यपदार्थ आहे. याची चव गोड आणि मधुर असते. गुल म्हणजे गुलाब आणि कंद म्हणजे गोड असा याचा शाब्दिक अर्थ आहे. गुलकंदाला सुपरफूड म्हणूनही ओळखले जाते.

गुलाबाच्या पाकळ्यांपासून तयार केला जाणारा हा पदार्थ फक्त चवीलाच नाही तर आरोग्यासाठीही महत्वाची कामगिरी बजावतो. याच्या सेवनाने मेंदूचा थकवा आणि तणाव दूर होतो. याचा प्रभाव थंड असतो आणि याच्या सेवनाने मेंदूच्या मज्जातंतूंना आराम मिळतो. गुलकंद हा केवळ पानापुरता मर्यादित नसून, अनेक भारतीय पदार्थांची चव वाढविण्यासाठीही याचा वापर केला जातो.

हेदेखील वाचा – संध्याकाळच्या भुकेला द्या पूर्णविराम घरी बनवा खमंग पोहा कचोरी! झटपट तयार होते रेसिपी

गुलकंद कसा तयार करायचा

• गुलकंद तयार करण्यासाठी ताज्या 250 ग्रॅम गुलाबाच्या पाकळ्या घ्या
• या गुलाबाच्या पाकळ्या स्वछ पाण्याने धुवून एका कापडावर वाळवा
• पंख्याखाली ठेवून या पाकळ्या कोरड्या करून घ्या
• यानंतर 500 ग्रॅम साखर घेऊन त्याची पावडर तयार करून घ्या
• नंतर एक भांडे घ्या आणि यात गुलाबाच्या पाकळ्या, साखरेची पावडर, एक चमचा वेलची पूड, अर्धा चमचा बडीशेप पावडरही घाला आणि मिक्स करा
• हे सर्व मिश्रण एका काचेच्या बरणीत टाका आणि 10-12 दिवस उन्हात ठेवा
• असे केल्याने यातील साखर विरघळेल आणि गुलाबाच्या पाकळ्यांमध्ये चांगल्या प्रकारे मिसळली जाईल
• अशाप्रकारे तुमचा गुलकंद तयार होईल

गुलकंदचा वापर कसा करावा?

• गुलकंदामध्ये थोडी काजू पावडर आणि बदाम मिसळून याला ब्रेडवर स्प्रेड करून खाता येईल
• याशिवाय गुलकंदामध्ये नारळ पावडर मिक्स करून याचे लहान मुलांसाठी गोड पराठे तयार करता येऊ शकतात
• मिल्कशेक, लस्सी किंवा सरबत बनवताना त्यात थोडे गुलकंद घालता येऊ शकते, यामुळे चव आणखीन वाढेल
• थंड पाण्यात थोडे गुलकंद, थोडा लिंबाचा रस, मध आणि जिरे मिसळून त्याचा एक सरबत तयार करता येईल, हा सरबत चवीला फार
• अप्रतिम लागेल आणि यामुळे उष्ण हवामानात आरोग्य चांगले राखण्यास मदत मिळेल
• नारळाचे लाडू तयार करताना यात मधोमध गुलकंद घातल्यास लाडूंची चव द्विगुणित होईल