वेटलॉस आणि मसल गेनसाठी घरीच तयार करा प्रोटीन पावडर, फार सोपी आहे रेसिपी

अनेकजण वजन कमी करण्यासाठी आणि मसल गेनसाठी प्रोटीन पावडरचे सेवन करत असतात. प्रोटीन पावडरमध्ये अनेक पोषक घटक आढळले जातात. मात्र बाजारातील पावडरमध्ये अनेक कृत्रिम घटकांचा वापर केला जातो अशात तुम्ही ही प्रोटीन पावडर घरीदेखील अगदी सहज बनवू शकता. मुख्य म्हणजे, यासाठी अधिक साहित्य आणि वेळेची गरज भासत नाही. फार कमी वेळेत ही पावडर घरीच तयार केली जाते.

शरीरातील पोषणाचे प्रमाण वाढवण्याची अनेकजण प्रोटीन पावडरचे सेवन करत असतात. अनेकदा वर्कआउट सेशननंतर प्रोटीन पावडर दुधात मिसळून प्यायल्याने शरीरात ऊर्जा वाढते. प्रोटीन पावडर शरीरातील दुबळे स्नायू वाढवण्यास आणि पचनक्रिया संतुलित ठेवण्यास मदत करतात. अनेकजण बाजारातील प्रोटीन पावडरचे सेवन करत असतात मात्र यात अनेक कृत्रिम पदार्थांचा वापर केला जातो अशात तुम्हाला माहिती आहे का? तुम्ही ही प्रोटीन पावडर एका सहज आणि सोप्या पद्धतीने घरीदेखील बनवू शकता.

घरी तयार केलेली प्रोटीन पावडर शरीराला निरोगी ठेवण्यासाठी खूप फायदेशीर ठरते. प्रोटीन पावडरमध्ये कार्बोहायड्रेट्स आणि फॅट्स असतात. याच्या सेवनाने पचनक्रियेची गती वाढते आणि भूक नियंत्रणात राहते. प्रोटीन पावडर घरी बनवणे फार सोपे आहे, यासाठी जास्तीचा वेळही लागत नाही. प्रोटीन पावडर बनवण्यासाठीची कृती आणि यासाठी लागणारे साहित्य जाणून घेऊयात.

हेदेखील वाचा – सकाळच्या नाश्त्याला बनवा ओल्या नारळाचे स्वादिष्ट पराठे, झटपट तयार होते रेसिपी

साहित्य

• भाजलेले हरभरे 2 वाट्या
• ओट्स 1 कप
• फ्लेक्स सीड 2 चमचे
• भोपळ्याच्या बिया 2 टेस्पून
• चिया सीड 1 टीस्पून
• बदाम 1/2 कप
• कोको पावडर 1 टीस्पून

हेदेखील वाचा – रात्रीच्या जेवणात बनवा बटाट्याचा चटपटीत रायता, पाहता क्षणी तोंडाला पाणी सुटेल

कृती

• प्रोटीन पावडर बनवण्यासाठी सर्वप्रथम भाजेलले हरभरे सोलून घ्या
• यानंतर यांना मिक्सरमध्ये टाकून याची पेस्ट तयार करून घ्या
• हरभरे सालासह बारीक केल्यानंतर, पावडर गाळूनदेखील घेता येते
• आता हे तयार पीठ एका कढईत छान सोनेरी होईपर्यंत भाजून घ्या
• नंतर एका पॅनमध्ये फ्लेक्स सीड्स, चिया सीड आणि भोपळ्याच्या बिया टाका आणि भाजून घ्या
• तुम्हाला हवे असल्यास तुम्ही यात बदामदेखील टाकू शकता
• सर्वकाही एकत्र वाटून एका भांड्यात काढून घ्या
• मग यात कोको पावडर टाका आणि सर्व साहित्य व्यवस्थित एकजीव करून घ्या
• तुम्हाला हवे असल्यास तुम्ही यात दालचिनी पावडरदेखील टाकू शकता
• अशाप्रकारे तुमची प्रोटीन पावडर घरच्या घरी तयार होईल
• ही पावडर तुम्ही तुमच्या आवडीनुसार पाणी किंवा दुधात मिसळून याचे सेवन करू शकता
• चव वाढवण्यासाठी तुम्ही यात मधदेखील घालू शकता