सकाळच्या नाश्त्याला नक्की ट्राय करा तांदळाचे थालीपीठ, झटपट तयार होते रेसिपी

तुम्हालाही माहिती आहे का? तुम्ही तांदळापासून देखील खमंग असे थालीपीठ तयार करू शकता. हे थालीपीठ चवीला फार अप्रतिम लागतात तसेच फार कमी वेळेत बनून तयार होतात. एकदा ही रेसिपी नक्की ट्राय करा.

थालीपीठ हा महाराष्ट्रीयन खाद्यसंस्कृतीतील एक लोकप्रिय आणि प्रसिद्ध नाश्त्याचा पदार्थ आहे. विशेष म्हणजे, हा पदार्थ चवीबरोबरच आरोग्यासाठीही फार उत्तम ठरतो. तुम्ही आतापर्यंत मिक्स पिठांपासून तयार केलेले थालीपीठ खाल्ले असेल मात्र आज आम्ही तुम्हाला तांदळाच्या पिठापासून खमंग असे थालीपीठ कसे तयार करायचे याची एक सोपी रेसिपी सांगत आहोत. ही रेसिपी फार निवडक साहित्यापासून तयार केली होते.

तुम्हाला थालीपीठ खायची इच्छा असेल मात्र घरात भाजणीचे पीठ नसेल तर अशा परिस्थितीत तुम्ही हे तांदळाचे थालीपीठ बनवून यांचा आस्वाद घेऊ शकता. हे थालीपीठ चवीला फार स्वादिष्ट आणि रुचकर लागतात. मुख्य म्हणजे, हे फार कमी वेळेत बनून तयार होतात. सकाळच्या नाश्त्यासाठी हा एक उत्तम पर्याय आहे. जाणून घेऊयात यासाठी लागणारे साहित्य आणि कृती.

हेदेखील वाचा – Viral Recipe: रात्रीच्या जेवणाला बनवा झणझणीत कांद्याचा झुणका

साहित्य

• 2 वाटी तांदळाचे पीठ
• 1 बारीक चिरलेला कांदा
• 3 चमचे बेसन
• 1 वाटी ओलं खोबरं
• 2 चमचे दही
• 5-6 हिरव्या मिरच्या
• 1 वाटी कोथिंबीर
• मीठ चवीनुसार
• तेल आवश्यकतेनुसार
• तूप आवश्यकतेनुसार

हेदेखील वाचा – घरी आलेल्या पाहुण्यांसाठी झटपट बनवा कुरकुरीत पोटॅटो फिंगर्स, जाणून घ्या रेसिपी

कृती

• तांदळाचे थालीपीठ तयार करण्यासाठी सर्वप्रथम ओलं खोबरं, कोथिंबीर, हिरव्या मिरच्या मिक्सरमध्ये बारीक वाटून घ्या
• यानंतर एक भांडे घ्या आणि यात तांदळाचे पीठ टाका
• आता यात बेसन पीठ, चिरलेला कांदा, दही, बारीक वाटलेलं ओलं खोबऱ्याचे मिश्रण टाका
• सर्व साहित्य व्यवस्थित एकजीव करा आणि याचे पीठ मळून घ्या
• तयार पिठाच्या गोळ्याला हलके तेल लावा
• आता गॅसवर एक तवा ठेवा
• तवा गरम झाला की, तयार पिठाचे छान थालीपीठ तापून तव्यावर टाकून द्या
• आता हे थालीपीठ दोन्ही बाजूंनी चांगले खरपूस भाजून घ्या
• भाजताना यावर तूप लावायला विसरू नका, तुम्ही हवे असल्यास तुपाऐवजी तेलाचा देखील वापर करू शकता
• गरमा गरम थालीपीठ ठेचा किंवा दहीसोबत खाण्यासाठी सर्व्ह करा