Independence Day 2024: सकाळ करा बहारदार… स्वातंत्र्यदिनानिमित्त घरी बनवा ‘तिरंगा इडली’, नोट करून ठेवा रेसिपी

भारताचा राष्ट्रीय सण जवळ आला आहे. हा दिवस आणखीन खास करण्यासाठी तुम्ही घरच्या घरी एक सोपी रेसिपी ट्राय करू शकता. स्वातंत्र्यदिनानिमित्त आज आम्ही तुम्हाला तिरंगा इडलीची एक हटके रेसिपी सांगत आहोत. या रेसिपीने तुम्ही तुमच्या सकाळची सुरुवात आणखीन सुंदर पद्धतीने करू शकता.

स्वातंत्र्यदिनानिमित्त देशभरात जल्लोषाचे वातावरण आहे. 15 ऑगस्ट हा दिन दरवर्षी भारताचा स्वातंत्र्यदिन म्हणून मोठ्या थाटामाटात साजरा केला जातो. या दिवशी भारताला ब्रिटिशांच्या तावडीतून सुटका मिळाली. अथक प्रयत्नानंतर आपला देश या दिवशी स्वातंत्र्य झाला आणि म्हणूनच हा दिवस आपण स्वातंत्र्यदिन म्हणून साजरा करत असतो.

स्वातंत्र्यदिनानिमित्त देशाचा ध्वज उंच अवकाशात फडकवला जातो. तसेच या दिवशी विविध कार्यक्रमांचे आयोजन केले जाते. आम्ही तुम्हाला सांगतो की, तुम्हालाही हा दिवस हटके पद्धतीने साजरा करायचा असल्यास तुम्ही दिवसाची सुरुवात एका खास रेसिपीने करू शकता. आज आम्ही तुम्हाला स्वातंत्र्यदिनानिमित्त तिरंगा इडलीची एक चविष्ट रेसिपी सांगत आहोत. ही रेसिपी स्वातंत्र्यदिनाला आणखीन रंगत आणेल. तसेच घरातील इतर सदस्यही तुमचा हा आगळावेगळा प्रकल्प पाहून तुमच्यावर खुश होतील. चला तर मग जाणून घेऊयात यासाठी लागणारे साहित्य आणि कृती.

साहित्य

• 165 ग्रॅम इडली तांदूळ
• 75ग्रॅम धुतलेली उडीद डाळ
• 10ग्रॅम मीठ
• 15 ग्रॅम कॅरेट प्युरी
• 25 ग्रॅम उकडलेली पालक प्युरी

हेदेखील वाचा – Raksha Bandhan 2024: रक्षाबंधनला भेसळयुक्त मिठाई खाण्यापेक्षा घरी बनवा गुलाबाचा हलवा, वाचा सोपी रेसिपी

कृती

• तिरंगा इडली बनवण्यासाठी सर्वप्रथम तांदूळ आणि उडदाची डाळ पाण्यात भिजत ठेवा
• त्यांनतर याची मिक्सरमध्ये छान पेस्ट तयार करून घ्या
• आता हे मिश्रण एका भांड्यात काढा आणि 12 तास (रात्रभर) बाजूला ठेवून द्या
• सकाळी तुम्ही या पिठाच्या इडल्या तयार करू शकता, असे केल्याने पीठ चांगले फुगते आणि तुमची इडली आणखीन चांगली बनते
• आता या तयार पिठाचे तीन भाग करा
• एका भागात गाजर प्युरी तर दुसऱ्या भागात पालक प्युरी टाका म्हणजे यांना हिरवा आणि केशरी असे दोन्ही रंग येतील. तिसरा भाग हा पांढराच राहू द्या
• आता इडलीच्या साच्यात या तिन्ही रंगांच्या इडल्या तयार करून घ्या
• इडलीच्या साच्यात हे मिश्रण टाकून 20 मिनिटे इडल्या वाफवून घ्या
• यानंतर इडलीचे साचे बाहेर काढा आणि थंड झाल्यावर यातील इडल्या चमच्याच्या मदतीने वेगळ्या करा
  अशाप्रकारे तुमची तिरंगा इडली तयार होईल
• तिन्ही इडल्या एका बाजूला एक ठेवून तुम्ही याला तिरंगा झेंड्याप्रमाणे प्रेझेन्ट करू शकता
• आता ही इडली नारळाच्या चटणीसोबत किंवा सांबारासोबत खाण्यासाठी सर्व्ह करा