घरच्या घरी बनवा रेस्टॉरंट स्टाईल Chili Potatoes, विकेंडसाठी परफेक्ट रेसिपी

Chili Potato Recipe: विकेंड स्पेशल घरी काही टेस्टी होऊन जाऊद्यात! आज आम्ही तुम्हाला चिली पोटॅटोची एक सोपी आणि झटपट रेसिपी सांगत आहोत. या रेसिपीने तुम्ही घरच्यांना खुश करू शकता.

बटाटा ही अनेकांच्या आवडीची भाजी आहे. यापासून अनेक प्रकारचे पदार्थ बनवले जाऊ शकतात. जसे की बटाट्याची भाजी, बटाट्याचे काप, बटाट्याचे भजी, बटाट्याचे पराठे आणि बरेच काही… यापासून काहीही बनवले तरी ते चविष्टच लागते आणि म्हणूनच लहानांपासून मोठ्यांपर्यंत बटाटा सर्वांच्या आवडीचा आहे. आज आम्ही तुम्हाला याच बटाट्याची एक चविष्ट आणि हटके अशी रेसिपी सांगत आहोत. ही रेसिपी तुमच्या विकेंडसाठी एक उत्तम पर्याय ठरेल.

आज या लेखात आपण चिली पोटॅटो हा पदार्थ घरी कसा बनवायचा याची एक सोपी रेसिपी जाणून घेत आहोत. तुम्ही हा पदार्थ अनेक रेस्टॉरंटमध्ये ट्राय केला असेल. लहानांना हा पदार्थ विशेष करून फार आवडतो. अशात आपल्या कुटुंबियांना खुश करण्यासाठी तुम्ही विकेंड स्पेशल रेसिपी नक्कीच ट्राय करू शकता. चला तर मग जाणून घेऊया यासाठी लागणारे साहित्य आणि कृती.

Moong Dal Chila Recipe: अनेक आजारांवर फायदेशीर ठरतो मूग डाळीचा चिला, कसा बनवायचा ते जाणून घ्या

साहित्य

• बटाटा – 2 मध्यम आकाराचे
• कॉर्न फ्लोअर – 2 चमचे
• सिमला मिरची – 1 चिरलेली
• कांदा – 1 चिरलेला
• गाजर – 1 चिरलेला
• काळी मिरी पावडर – 1 टीस्पून
• हिरवी मिरची – २ बारीक चिरून
• आले लसूण पेस्ट – 1 टीस्पून
• शेझवान सॉस- 5-6 चमचे
• टोमॅटो केचप- 1 ½ टीस्पून
• पांढरा व्हिनेगर – 1 टीस्पून
• तेल- तळण्यासाठी
• मीठ – चवीनुसार

नवी कोरी रेसिपी! एकदा तरी घरी बनवून पहा अफगानी पनीर, चव अशी की सर्वजण बोटं चाटत राहतील

कृती

• चिली पोटॅटो बनवण्यासाठी सर्वप्रथम बटाटे सोलून घ्या
• यानंतर बटाटे लांब आकारात कापून घ्या
• आता बटाटे एका भांड्यात ठेवा, स्वच्छ पाण्यात चांगले धुवा आणि कोरडे करण्यासाठी ठेवा
• आता वाळलेल्या बटाट्यात कॉर्न फ्लोअर घालून मिक्स करा
• कढईत तेल गरम करून बटाटे मध्यम आचेवर तळून घ्या
• दुसरे पॅन घ्या आणि त्यातही तेल गरम करा. तेल गरम होताच त्यात बारीक चिरलेली हिरवी मिरची टाका
• हिरव्या मिरच्या भाजल्याबरोबर कांदा, सिमला मिरची आणि उरलेल्या हिरव्या मिरच्या घाला
• भाज्या तळल्याबरोबर त्यात आले लसूण पेस्ट घाला आणि व्यवस्थित मिक्स करा
• आता या मिश्रणात टोमॅटो केचप, काळी मिरी पावडर, शेझवान सॉस आणि मीठ घालून मिक्स करा
• मसाला परतल्यानंतर त्यात तळलेले बटाटे घालून हलक्या हाताने परता
• तुम्हाला हवे असल्यास तुम्ही यावर कांद्याची पातदेखील घालू शकता
• तयार चिली पोटॅटो एका प्लेटमध्ये गरमा गरम खाण्यासाठी सर्व्ह करा