हॉटेल सारखी मसालेदार दाल खिचडी आता घरीच बनवा, चव अशी की सर्वजण बोट चाटत राहतील

रात्रीच्या जेवणासाठी सोप्या आणि चविष्ट रेसिपीच्या शोधात आहात? मग आजची ही रेसिपी तुमच्या फायद्याची ठरणार आहे. आज आम्ही तुम्हाला हॉटेल सारखी मसालेदार दाल खिचडी घरी कशी तयार करायची याची एक सोपी रेसिपी सांगत आहोत. ही रेसिपी चवीबरोबरच आरोग्यासाठीही फायदेशीर ठरते.

तुम्हालाही रात्रीच्या जेवणासाठी काहीतरी चटपटीत आणि मसालेदार बनवायचे असेल तर आजही ही रेसिपी तुमच्यासाठीच आहे. आज आम्ही तुम्हाला अशाच एका खास रेसिपीबद्दल सांगणार आहोत, जी तुम्ही कमी वेळात अगदी सहज आणि सोप्या पद्धतीने घरी तयार करू शकता. ही रेसिपी चवीबरोबरच आरोग्यासाठीही फायदेशीर मानले जाते.

आजच्या आपल्या रेसिपीचे नाव आहे दाल खिचडी.हा पदार्थ अगदी साधा वाटत असला तरी याची चव स्वर्गसुखाहून कमी वाटत नाही. रात्रीच्या जेवणात मऊ आणि गरमा गरम दाल खिचडी जेवणाची रंगत द्विगुणित करून टाकते. तुम्हाला हॉटेल स्टाइल दाल खिचडी आता घरीच तयार करायची असेल तर आजची ही रेसिपी तुमच्या चांगलीच कमी येणार आहे. जाणून घ्या यासाठी लागणारे साहित्य आणि कृती.

हेदेखील वाचा – Recipe: आता घरीच बनवा स्ट्रीट स्टाइल कुरकुरीत कोबी मंचुरियन

साहित्य

• 1 वाटी तांदूळ
• 1/2 कप मूग डाळ
• एक कांदा बारीक चिरून
• 2 मोठे टोमॅटो
• दोन हिरव्या मिरच्या
• 1 इंच किसलेले आले
• 1 टीस्पून हळद
• 1 टीस्पून धने पावडर
• 1 टीस्पून तिखट
• 1 टीस्पून जिरेपूड
• एक चमचा गरम मसाला
• चवीनुसार मीठ
• ताजी कोथिंबीर
• लिंबाचा रस
• आवश्यकतेनुसार तेल

हेदेखील वाचा – लहान मुलांसाठी घरीच तयार करा पिझ्झा पॉकेट, झटपट रेसिपी नोट करा

कृती

• मसालेदार दाल खिचडी बनवण्यासाठी सर्वप्रथम मूग डाळ धुवून 20-30 मिनिटे पाण्यात भिजवा
• याचप्रमाणे तांदूळदेखील दोन ते तीन वेळा स्वछ धुवून काही वेळ पाण्यात भिजवून ठेवा
• आता गॅसवर एक कुकर ठेवा आणि त्यात तेल टाका
• आता यात जिरे टाका आणि परता
• यानंतर यात चिरलेला कांदा, हिरव्या मिरच्या आणि आले पेस्ट घाला आणि काहीवेळ शिजवा
• नीट शिजल्यानंतर यात ळद, धनेपूड, जिरेपूड, तिखट आणि गरम मसाला आणि मिक्स करा
• नंतर यात टोमॅटो घाला आणि शिजवा
• सर्व साहित्य नीट शिजले की मग यात भिजलेली मूग डाळ आणि तांदूळ घाला
• आता यात 4-5 वाटी पाणी आणि चवीनुसार मीठ टाका
• नंतर कुकर बंद करून 2-3 शिट्ट्या घ्या आणि मग गॅस बंद करा
• काहीवेळाने कुकर उघडा आणि यावर चिरलेली कोथिंबीर आणि लिंबाचा रस घाला
• तुमची हॉटेल स्टाइल दाल खिचडी तयार आहे, पापड किंवा लोणच्यासोबत खाण्यासाठी सर्व्ह करा
• तुम्हाला हवे असल्यास तुम्ही त्यात कसुरी मेथी आणि तुमच्या आवडीच्या सर्व भाज्या टाकू शकता