लहान मुलांसाठी घरीच तयार करा पिझ्झा पॉकेट, झटपट रेसिपी नोट करा

तुम्हाला फास्ट फूडचे खायला आवडत असेल तर पिझ्झा पॉकेट नावाचा पदार्थ तुम्ही नक्कीच खाल्ला असावा. लहान मुलांना विशेष करून हा पदार्थ फार आवडतो. मात्र तुम्हाला माहिती आहे का? हा पदार्थ आता तुम्ही घरीदेखील बनवू शकता. अवघ्या 15 मिनिटांत तुम्ही हे पिझ्झा पॉकेट अगदी सहज घरी तयार करू शकता.

Follow Us:

Follow Us:

दररोज तेच तेच खाऊन लहानांनाच काय तर मोठ्यांनाही कंटाळा येत असतो. भाजी-चपाती, भात-डाळ हे पदार्थ तर आपण नेहमीच खात असतो मात्र या विकेंडला तुम्हालाही काही चटपटीत आणि टेस्टी खावेसे वाटत असल्यास तुम्ही आजची रेसिपी ट्राय करू शकता. आज आम्ही तुम्हाला घरीच सोप्या पद्धतीने पिझ्झा पॉकेट कसा बनवावा याची रेसिपी सांगणार आहोत.

तुम्हाला फास्ट फूड खायला आवडत असेल तर तुम्हाला पिझ्झा पॉकेट हा पदार्थ नक्कीच माहिती असावा. बाहेरून क्रिस्पी आणि आतमध्ये चिजी मसालेदार स्टफिंगने भरलेला पिझ्झा पॉकेट चवीला अप्रतिम लागतो. लहान मुलांना तर ही रेसिपी फारच आवडेल. काही तरी नवीन म्हणून तुम्ही रेसिपी ट्राय करू शकता. मुख्य म्हणजे, ही रेसिपी बनवण्यासाठी फार साहित्य किंवा वेळेची गरज भासत नाही. ही रेसिपी अगदी कमी वेळेत झटपट तयार होते. जाणून घेऊयात यासाठी लागणारे साहित्य आणि कृती.

हेदेखील वाचा – रात्रीची उरलेली डाळ फेकू नका तर त्यापासून बनवा टेस्टी पराठे, ही रेसिपी फॉलो करा

साहित्य

• 2 चमचे मका
• 2 मोठे चमचे बारीक चिरलेला कांदा
• 2 चमचे शिमला मिरची
• टोमॅटो सॉस
• ब्रेड स्लाइस (गरजेनुसार)
• 1-2 चमचे बटर
• 3-4 ऑलिव्ह
• किसलेला मोझरेला चीज (गरजेनुसार)
• पिझ्झा सॉस (गरजेनुसार)
• मीठ (चवीनुसार)

हेदेखील वाचा – आता घरीच बनवा KFC स्टाइल चिकन, नोट करा रेसिपी

कृती

• पिझ्झा पॉकेट बनवण्यासाठी सर्वप्रथम गॅसवर पॅन ठेवा आणि त्यावर बटर टाका
• आता यात कांदा टाकून छान परतून घ्या
• यानंतर यात मका, शिमला मिरची आणि मीठ टाका आणि सर्व भाज्या नीट शिजवून घ्या
• भाज्या शिजून नरम झाल्या की यात पिझ्झा सॉस आणि टोमॅटो सॉस टाका आणि मिक्स करा
• आता तुमची पिझ्झा पॉकेटची स्टफिंग तयार आहे
• ही स्टफिंग एका प्लेटमध्ये काढा आणि यात मोझेरेला चीज आणि ऑलिव्ह टाकून मिक्स करा
• आता ब्रेड स्लाइस घ्या आणि त्याच्या कडा कापून घ्या
• आता एक ब्रेड स्लाइस घ्या घ्या आणि त्यावर तयार स्टफिंग टाका आणि रोल करून पॉकेट तयार करा
• दुसरीकडे गॅसवर कढई ठेवून यात तेल गरम करत ठेवा
• तेल गरम झाले की तयार पॉकेट यात टाकून मध्यम आचेवर गोल्डन ब्राऊन होईपर्यंत तळून घ्या
• तयार पिझ्झा पॉकेट एका प्लेटीत काढा आणि सॉससोबत खाण्यासाठी सर्व्ह करा

Web Title: Try pizza pocket recipe easy to make

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com