Navratri Special : झटपट बनवा जाळीदार आणि मऊ उपवासाची इडली-चटणी

तुम्हाला माहिती आहे का? जशी तांदळाची इडली तयार करता तशीच तुम्ही उपवासाची इडली देखील तयार करू शकता. सध्या नवरात्रीचे दिवस आहेत अशात तुम्ही नऊ दिवस उपवास करण्याचा विचार करत असाल तर मग आजची ही उपवासाची इडली आणि चटणीची रेसिपी तुमच्यासाठी फायद्याची ठरेल.

नवरात्रीचा उत्सव आता सुरु झाला आहे. यानिमित्त जागोजागी देवी दुर्गाचं आगमन होतं. लोक देवीची पूजा-अर्चा करत नऊ दिवस उपवास करतात. नवरात्रीचे नऊ दिवस दुर्गा मातेच्या विविध रुपांची पुजा आणि व्रत केले जाते. काहीजण फळ खाऊन तर काहीजण उपवासाचे पदार्थय खाऊन आपला उपवास पूर्ण करत असतात. उपवास म्हटलं की, तेच तेच उपवासाचे पदार्थ आठवू लागतात जसे की, साबुदाणा खिचडी, बटाट्याची उसळ… मात्र आम्ही तुम्हाला सांगतो की, या पदार्थनाव्यतिरिक्त देखील असे अनेक पदार्थ आहेत ज्यांचा तुम्ही आस्वाद घेऊ शकता. आज आमही तुम्हाला उपवासाची इडली आणि चटणी कशी तयार करायची याची एक सोपी रेसिपी सांगणार आहोत. ही इडली साबुदाणा आणि वरई यांचा वापर करून बनवली जाणार आहे. चला तर याची हटके रेसिपी जाणून घेऊयात.

उपवासाची इडली

हेदेखील वाचा – उरलेल्या चपातीपासून बनवा चायनीज स्टाइल नूडल्स, लहान मुलांच्या आवडीची रेसिपी

साहित्य

1 कप वरई
1/4कप साबुदाणा
1/2 कप दही
चवीनुसार सैंधव मीठ
1/2  चमचा इनो सोडा

कृती

• उपवासाची इडली बनवण्यासाठी सर्वप्रथम साबुदाणा आणि वरई चार तास पाण्यात भिजवत ठेवा
• त्यानंतर वरई आणि साबुदाणा मिक्सरच्या भांड्यात टाका
• यात दही टाका आणि मिक्सरमध्ये तिन्ही साहित्यांची पेस्ट तयार करा
• आता एका भांड्यात तयार पीठ काढा. यात इनो आणि मीठ टाकून व्यवस्थित एकजीव करा
• आता या पिठापासून तुम्ही तुमची उपवासाची इडली तयार करू शकता
• यासाठी इडलीचे भांडे गॅसवर ठेवून त्यात पाणी टाका
• आता इडली पात्रात तयार मिश्रण टाका आई मग हे पात्र इडलीच्या साच्यात ठेवून झाका
• 15-20 मिनटे इडली वाफवून घ्या आणि मग चमच्याच्या साहाय्याने साच्यातून इडली वेगळी करा
• तयार इडली चटणीसोबत खाण्यासाठी सर्व्ह करा

उपवासाची चटणी रेसिपी

 

हेदेखील वाचा – घरी आलेल्या पाहुण्यांसाठी बनवा झटपट तंदूरी आलू, रेसिपीची चव चाखताच प्रत्येकजण होईल खुश

साहित्य

• भाजलेले शेंगदाणे- 1 कप
• ओलं खोबरं – अर्धा कप
• हिरवी मिरची – 1 कप
• दही – २ चमचे
• मीठ – आवश्यकतेनुसार
• पाणी
• तूप

कृती

• उपवासाची चटणी बनवण्यासाठी सर्वप्रथम एका मिक्सरच्या भांड्यात भाजलेले शेंगदाणे, ओल खोबर, हिरवी मिरची,दही बारीक वाटून घ्या
• यात मीठ आणि पाणी टाकून पुन्हा मिक्सरमध्ये वाटून घ्या
• अशाप्रकारे तुमची उपवासाची चटणी तयार होईल