घरी आलेल्या पाहुण्यांसाठी बनवा झटपट तंदूरी आलू, रेसिपीची चव चाखताच प्रत्येकजण होईल खुश

अनेकदा असे होते की घरी अचानक पाहुणे येतात आणि आपल्याकडे नाश्त्याचे काहीच नसते. अशावेळेस आपण टेस्टी आणि झटपट तयार होणाऱ्या रेसिपीच्या शोधात असतो. म्हणूनच आज आम्ही तुमच्यासाठी फार कमी वेळेत तयार होणारी मात्र तितकीच चवीला लज्जतदार असणारी अशी एक हटके रेसिपी घेऊन आलो आहोत. ही रेसिपी चाखताच घरातील सर्व तुमच्यावर खुश होतील.

Follow Us:

Follow Us:

तुम्हाला तुमच्या कुटुंबाला किंवा पाहुण्यांना खूश करण्यासाठी स्वयंपाकघरात काहीतरी नवीन करून पहायचे आहे का? जर होय, तर आजची रेसिपी तुमच्यासाठी परफेक्ट आहे. बटाटा ही एक अशी भाजी आहे जी कोणालाही आवडत नाही असे होऊच शकत नाही. सर्वांच्या आवडीच्या असणाऱ्या या बटाट्यापासून अनेक विविध आणि टेस्टी असे पदार्थ बनवले जातात.

आज आम्ही तुम्हाला तंदुरी आलू हा चटपटीत पदार्थ घरी कसा तयार करायचा याची एक सोपी रेसिपी सांगत आहोत. तंदूरी आलू ही एक अशी डिश आहे, जी तुम्ही पाहुण्यांना स्नॅक्स किंवा डिनरसाठी तुम्ही सहज देऊ शकता. विशेष म्हणजे, हा पदार्थ बनवण्यास फारसा वेळ लागत नाही. अगदी सहज आणि झटपट तुम्ही ही रेसिपी अवघ्या काही मिनिटांतच तयार करू शकता. जाणून घ्या यासाठी लागणारे साहित्य आणि कृती.

हेदेखील वाचा – कच्च्या केळीपासून बनवा हा टेस्टी स्नॅक्स, सोशल मीडियावर व्हायरल होत आहे रेसिपी

साहित्य

• बटाटे – 5-6(मध्यम आकाराचे, धुऊन सोललेले)
• दही – 1 कप
• आले-लसूण पेस्ट – 1 टीस्पून
• लाल मिरची पावडर – 1/2 टीस्पून
• धनिया पावडर – 1 टीस्पून
• गरम मसाला – 1/4 टीस्पून
• सुक्या आंबा पावडर – 1/4 टीस्पून
• मीठ – चवीनुसार
• जिरे पावडर – 1/4 टीस्पून
• कसुरी मेथी – 1/2 टीस्पून
• तेल – 1 टीस्पून
• लिंबाचा रस – 1 टीस्पून
• चिरलेली कोथिंबीर – गार्निशसाठी

हेदेखील वाचा – उरलेल्या चपातीपासून बनवा रुचकर लाडू, झटपट रेसिपी नोट करा

कृती

• तंदुरी आलू बनवण्यासाठी सर्वप्रथम बटाटा धुवून त्याचे मध्यम आकाराचे तुकडे करून घ्या
• यानंतर आता एका मोठ्या भांड्यात चिरलेला बटाटा, दही, आले-लसूण पेस्ट, तिखट, धनेपूड, गरम मसाला, आंबा
• पावडर, मीठ, जिरेपूड, कसुरी मेथी आणि लिंबाचा रस घालून चांगले मिक्स करा
• सर्व बटाटे मसाल्यांनी नीट कोट झालेले असावेत
• नंतर बटाटे कमीतकमी 30 मिनिटे याला मॅरीनेट होऊ द्या
• असे केल्याने मसाले बटाट्यामध्ये चांगले शोषले जातील आणि चव आणखीन वाढेल
• यानंतर, ओव्हन 200 डिग्री सेल्सिअसवर गरम करा आणि मॅरीनेट केलेले बटाटे बेकिंग ट्रेमध्ये पसरवा
• वरून थोडे तेल आणि कोथिंबीर टाकून सजवा
• आता बटाटे 20-25 मिनिटे किंवा सोनेरी तपकिरी होईपर्यंत बेक व्यवस्थित बेक करून घ्या
• अधूनमधून बटाटे फिरवत रहा
• अशाप्रकारे तुमचे तंदुरी बटाटे तयार होतील
• पुदिन्याची चटणी किंवा सॉससोबत हे बटाटे खाण्यासाठी सर्व्ह करा

Web Title: Quick and easy tandoori potato recipe impress your guests in minutes

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com