उपवासाच्या दिवशी काही गोड खावेसे वाटतं असल्यास झटापट बनवा रताळ्याचा शिरा

श्रावण महिना अखेर सुरु झालाआहे. या महिन्यात अनेकजण व्रत-वैकल्य करत असतात. उपवास करताना आपल्याकडे फार कमी पदार्थांचे पर्याय उपलब्ध असतात. अशात जर तुम्हाला काही गोड खाण्याची इच्छा होत असेल तर उपवासात तुम्ही रताळ्याच्या शिऱ्याची रेसिपी नक्कीच ट्राय करू शकता.

सध्या श्रावण महिना सुरु आहे. हा महिना व्रत-वैकल्याचा महिना म्हणून ओळखला जातो. हिंदू धर्मात या महिन्याला पवित्र महिना मानले जाते. या महिन्यात भगवान शंकराची मनोभावनेने पूजा केली जाते. या महिन्यात अनेकजण उपवास करत असतात. उपवास म्हटलं की, अनेक गोष्टी खाणे वर्ज्य असते अशात तुमच्यासमोर काही निवडक गोष्टींचेच पर्याय असतात, ज्यांचे सेवन तुम्ही करू शकता.

उपवास म्हटलं की, उपवासाचे तेच तेच पदार्थ आलेच मात्र तुम्हालाही जर उपवासाचे पदार्थ खाऊन कंटाळा आला असेल आणि काही गोड खायची इच्छा होत असेल तर आजची ही रेसिपी तुम्ही नक्की करून पहा. अनेकदा काहींना जेवणानंतर गोड पदार्थ खाण्याची सवय असते अशात उपवासाच्या वेळी तुम्ही हा पदार्थ बनवून तुमची गोड खाण्याची इच्छा पूर्ण करू शकता. जाणून घ्या यासाठी लागणारे साहित्य आणि कृती.

साहित्य

• 2 मोठे रताळे
• 3 चमचा तूप
• 3 चमचा साखर
• मीठ (गरजेनुसार)
• मिक्स ड्रायफ्रुट (गरजेनुसार)

हेदेखील वाचा – मंगळागौरीनिमित्त घरी बनवा पारंपरिक भाजणीचे वडे! लहानांपासून मोठ्यांपर्यंत सर्वांना आवडेल

कृती

• रताळ्याचा शिरा बनवण्यासाठी सर्वप्रथम रताळे पाण्याने स्वछ धुवून घ्या ‘
• यानंतर हे रताळे छान उकडून घ्या
• यानंतर गॅसवर एक कढई ठेवा आणि त्यात तूप घाला
• आता उकडलेल्या रताळ्याला मॅश करून तयार रताळ्याचा गर यात टाका आणि व्यवस्थित परतून घ्या
• 4-5 मिनिटे हा रताळ्याचा गर व्यवस्थित शिजवल्यानंतर यात साखर टाका आणि मिक्स करा
• ही सर्व प्रक्रिया मंद आचेवर करा
• संपूर्ण मिश्रणात साखर नीट विरघळल्यानंतर यात बारीक केलेले ड्रायफ्रुट टाका आणि गॅस बंद करा
• अशाप्रकारे तुमचा रताळ्याचा शिरा तयार होईल
• तयार रताळ्याचा शिरा गरमा गरम खाण्यासाठी सर्व्ह करा