अनोख्या पद्धतीने बनवा बटाट्याची भाजी, मिळेल आंबट-गोड-मसालेदार चव; एकदा खाल तर खातच रहाल

Subji Recipe: तीच तीच बोरिंग बटाट्याची भाजी खाणे सोडा आणि यावेळी काही हटके बनवून पहा. बटाट्याची ही चटपटीत भाजी पाहता क्षणी तुमच्या तोंडाला पाणी आणेल. याची रेसिपी फार सोपी असून अगदी कमी वेळेत ती बनून तयार होते.

बटाटा ही एक अशी भाजी आहे जी लहानांपासून मोठ्यांपर्यंत सर्वांच्याच आवडीची ठरते. बटाटा ही एक भाजी आहे जी केवळ स्वादिष्टच नाही तर ती बनवण्याच्या पद्धतीही खूप सोप्या आहेत. बटाटे अनेक प्रकारे शिजवले जाऊ शकतात, परंतु आज आम्ही तुम्हाला एक अशी रेसिपी सांगणार आहोत ज्यामुळे तुमच्या तोंडाला पाणी तर सुटलच शिवाय या रेसिपीला तयार होण्यासाठी वेळही खूप कमी लागेल.

ही गोड आणि आंबट बटाट्याची मसालेदार डिश आहे तुमच्या तोंडाला एक नवीन चव मिळवून देईल. ही डिश केवळ मुलांनाच आवडेल असे नाही तर प्रौढांसाठीही हा एक उत्तम पर्याय आहे. रात्रीच्या जेवणासाठी तुम्ही या डिशचा समावेश करू शकता किंवा कोणत्या खास प्रसंगीही काही नवीन पण साधे असे बनवायचे असल्यास तुमच्यासाठी हा एक उत्तम पर्याय ठरेल. चला तर मग जाणून घेऊया यासाठी लागणारे साहित्य आणि कृती.

चहाला द्या बिस्किटांची जोड! घरीच बनवा मार्केट स्टाइल चॉको चिप्स कुकीज, सोपी आहे रेसिपी

साहित्य

• 4-5 मध्यम आकाराचे बटाटे
• 2 चमचे तेल
• 1 टीस्पून जिरे
• 1 टीस्पून मोहरी
• 1 टीस्पून हळद पावडर
• 1 टीस्पून लाल मिरची पावडर
• 1 टीस्पून धने पावडर
• 2 चमचे टोमॅटो टोमॅटो प्युरी
• 1 टेबलस्पून चिंचेची पेस्ट
• 2 चमचे गूळ किंवा साखर
• चवीनुसार मीठ
• ताजी कोथिंबीर (गार्निशसाठी)

पीठ आंबवण्याची गरज नाही, सकाळच्या नाश्त्याला झटपट बनवा बेसनाचे अप्पे; 15 मिनिटांची रेसिपी

कृती

• यासाठी सर्वप्रथम बटाटे नीट धुवून उकळून घ्या. बटाटे उकळल्यानंतर ते थंड करा, सोलून घ्या आणि मध्यम आकाराचे तुकडे करा
• यानंतर कढईत तेल गरम करा. तेल गरम झाल्यावर त्यात जिरे आणि मोहरी घाला. मोहरी तडतडायला लागली की गॅसची फ्लेम मध्यम करा
• आता पॅनमध्ये हळद, लाल तिखट आणि धने पावडर घाला. मसाले तेलात चांगले परतून घ्या
• मसाले परतून झाल्यावर त्यात टोमॅटोची प्युरी घाला आणि काही मिनिटे शिजवा. नंतर त्यात चिंचेची पेस्ट घालून मिश्रण चांगले एकजीव करा
• आता या मिश्रणात गूळ किंवा साखर घाला. गूळ घातल्याने पदार्थाची चव आणखी वाढते, पण जर गूळ मिळत नसेल तर साखरही वापरता येते. गूळ पूर्णपणे विरघळेपर्यंत मिश्रण शिजवा.
• आता कढईत चिरलेला बटाटा घालून चटणीमध्ये चांगले मिसळा. कढईवर झाकण ठेवा, झाकणावर पाणी ठेवून
• बटाटे मंद आचेवर 8-10 मिनिटे शिजवा
• बटाटे चांगले शिजले की त्यावर चिरलेली कोथिंबीर घाला
• तुमची गरमा गरम बटाट्याची चटपटीत भाजी तयार आहे. भाजी चपाती किंवा भाकरीसोबत खाण्यासाठी सर्व्ह करा