पीठ आंबवण्याची गरज नाही, सकाळच्या नाश्त्याला झटपट बनवा बेसनाचे अप्पे; 15 मिनिटांची रेसिपी

Besan Appe Recipe: झटपट आणि सोप्या नाश्त्याच्या शोधात असाल तर आजची ही रेसिपी तुमच्यासाठी एक उत्तम पर्याय आहे. तुम्ही अवघ्या काही मिनिटांतच नाश्त्याला बेसनाचे अप्पे तयार करू शकता.

(फोटो सौजन्य: Pinterest

Follow Us:

Follow Us:

सकाळचा नाश्ता आपल्या आरोग्यासाठी फार गरजेचा असतो ज्यामुळे तो कधीही टाळू नये. मात्र बऱ्याचदा असे होते की, आपण उशिरा उठलो किंवा कामाच्या व्यापामुळे चांगला नाश्ता तयार करण्यासाठी पुरेसा वेळ मिळत नाही. यामुळेच आज आम्ही तुमच्यासाठी सकाळच्या नाश्ताची एक चविष्ट पण झटपट अशी रेसिपी घेऊन आलो आहोत. ही रेसिपी अवघ्या काही मिनिटांतच बनून तयार होते.

रव्यापासून किंवा तांदळाच्या पिठापासून बनवलेले अप्पे जवळपास सर्वांनीच खाल्ले असतील. पण आज तुम्ही बेसनापासून बनवलेले हेल्दी आणि चविष्ट अप्पे बनवू शकता जे अधिक पौष्टिक बनते कारण त्यात भरपूर भाज्या असतात. तुम्ही सकाळच्या नाश्त्यासाठी सोपी आणि झटपट रेसिपी शोधत असाल तर आजची ही रेसिपी तुमच्यासाठी एक उत्तम पर्याय आहे. चला तर मग जाणून घेऊयात यासाठी लागणारे साहित्य आणि कृती.

विकतचे कशाला घरीच सोप्या पद्धतीने बनवा Chilli Cheese Noodles, फार सोपी आहे रेसिपी

साहित्य

• 100 ग्रॅम बारीक चिरलेली कोबी
• बारीक चिरलेला कांदा
• सिमला मिरची
• कोथिंबीर
• 1 कप बेसन
• 4 ते 5 चिरलेल्या हिरव्या मिरच्या
• 1 टेबलस्पून ओवा
• अर्धा चमचा हिंग
• दही
• हळद
• मीठ
• तेल

घरच्या घरी बनवा रेस्टॉरंट स्टाईल Chili Potatoes, विकेंडसाठी परफेक्ट रेसिपी

कृती

• बेसनाचे अप्पे तयार करण्यासाठी सर्वप्रथम सर्व साहित्य एकत्र करा
• पिठात कमी पाणी घाला कारण कोबी पाणी सोडते
• आता यात मीठ, एनो,किंवा चिमूटभर सोडा घाला आणि मिश्रणात मिक्स करा
• आता अप्प्यांचे साचे घ्या आणि त्याला तेल लावा
• प्रत्येक साच्यात एक चमचा पिठ घाला
• आवश्यकतेपेक्षा जास्त पिठ घालू नका अन्यथा ते शिजू शकते आणि ॲपे साचा ओव्हरफ्लो होऊ शकते
• मंद आचेवर पाच ते सात मिनिटे आपे शिजवून घ्या
• दोन्ही बाजूंनी अप्पे छान शिजवून घ्या आणि मग चमच्याच्या मदतीने त्यांना साच्यातून बाहेर काढा
• तयार अप्पे एका प्लेटमध्ये काढा आणि नारळाच्या चटणीबरोबर खाण्यासाठी सर्व्ह करा

Web Title: Make tasty and quick besan appe at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com