Besan Pakoda Subji: यापुढे मटण-चिकनही होईल फेल, एकदा तरी घरी ही व्हेज भाजी बनवून पहाच

भाजी काय बनवावी ते सुचत नाहीये? मग चिंता सोडा, घरी बनवा बेसनाच्या पकोड्यांची रसरशीत भाजी! याची चव चाखून तुम्ही दोन घास जास्तीचे खाल. जाणून घ्या सोपी रेसिपी.

सध्या हिवाळा ऋतू सुरु आहे, या ऋतूत बाजारात भाज्या मोठ्या प्रमाणात विक्रीसाठी येतात. भाज्या आपल्या आरोग्यासाठी जरी फायद्याच्या असल्या तरी रोज रोज याचे सेवन कंटाळवाणे वाटू शकते. तुम्हीही त्याच त्याचा बोरिंग भाज्या खाऊन कंटाळला असाल किंवा काही नवीन चविष्ट बनवून खायचे असल्यास तुम्ही आजची ही हटके रेसिपी ट्राय करू शकता.

जर तुम्हाला काही चवदार खावेसे वाटत असेल तर तुम्ही बबेसनाच्या पकोड्यांची मसालेदार भाजी बनवू शकता. ही डिश खायला खूप चविष्ट लागते आणि फार कमी वेळेत बनून तयारही होते. तुम्ही रोटी किंवा भातासोबत याचे सेवन करू शकता. हिवाळ्याच्या या थंड वातावरणात रात्रीच्या जेवणासाठी ही एक परफेक्ट रेसिपी आहे. मुख्य म्हणजे यासाठी तुम्हाला अधिक साहित्याचीही गरज भासणार नाही, अगदी घरात उपलब्ध असलेल्या साहित्यापासून तुम्ही हा पदार्थ तयार करू शकता. याची चव तुमच्या घरातील सर्वांनाच खुश करेल. चला जाणून घेऊया यासाठी लागणारे साहित्य आणि कृती.

Valentines Day 2025: 14 फेब्रुवारीचा दिवस बनवा खास, बिस्किटांपासून घरीच तयार करा ‘चॉको लाव्हा केक’

साहित्य

• 1 कांदा
• 2 टोमॅटो
• 1 बारीक चिरलेली हिरवी मिरची
• 1 टीस्पून लाल मिरची
• अर्धा चमचा धनेपूड
• अर्धा चमचा गरम मसाला
• एक चतुर्थांश ओवा
• चिमूटभर हिंग
• धणे पावडर
• कसुरी मेथी
• एक चमचे जिरे
• हळद
• दही
• बेसन
• मीठ
• तेल

आवडीच्या भाताला आणखीन स्पेशल बनवा, घरीच तयार करा चमचमीत शाही पुलाव; झटपट रेसिपी नोट करा

कृती

• यासाठी सर्वप्रथम बेसनची भजी तयार करा, त्यासाठी एक वाटी घ्या आणि त्यात 1 कप बेसन घाला
• आता बेसनामध्ये अर्धा चमचा हळद आणि १ चमचा लाल मिरची घाला. अर्धा चमचा धनेपूड आणि थोडा गरम मसाला घाला. एक चतुर्थांश चमचा ओवा आणि चिमूटभर हिंग घाला
• आता बेसनामध्ये 1 बारीक चिरलेला कांदा आणि 1 बारीक चिरलेली हिरवी मिरची घाला
• बेसनाच्या पिठात हलके पाणी घालून घट्ट पीठ तयार करा
• यानंतर यात चवीनुसार मीठ घालावे. थोडा वेळ फेटल्यानंतर, 5 मिनिटे सेट करण्यासाठी पिठ तसेच बाजूला ठेवून द्या
• पकोडे तळण्यासाठी कढईत तेल गरम करा, तेल गरम झाले की छान कुरकुरीत भजी तळून घ्या
• आता दुसऱ्या कढईत आवश्यकतेनुसार तेल घालूनत्यात एक चमचे जिरे घाला
• यांनतर यात एक चिरलेला मोठा कांदा घाला आणि परतून घ्या
• कांदा छान परतला गेला की यात आले-लसूण पेस्ट घाला
• कांदा परतल्यावर यात दोन मोठे टोमॅटो चिरून आणि हिरवी मिरची बारीक करून घाला आणि मिक्स करा
• मसाला परतल्यावर त्यात धनेपूड, तिखट, हळद, कसुरी मेथी आणि मीठ घाला
• आता त्यात तीन चमचे घट्ट दही घाला. मसाले तेल सुटेपर्यंत शिजवून घ्या
• आता मसाल्यात गरजेनुसार पाणी घाला. उकळल्यानंतर त्यात तयार बेसनाचे भजी घालून भाजी मध्यम आचेवर पाच मिनिटे शिजवा
• तयार भाजी भात, भाकरी अथवा चापतीसह खाण्यासाठी सर्व्ह करा