Valentines Day 2025: 14 फेब्रुवारीचा दिवस बनवा खास, बिस्किटांपासून घरीच तयार करा ‘चॉको लाव्हा केक’

Chocolate Lava Cake Recipe: व्हॅलेंटाईन स्पेशल आपल्या जोडीदारासाठी घरीच तयार करा चॉको लाव्हा केक. हा केक आपण बिस्किटांपासून तयार करणार असून यासाठी फार वेळेची आणि साहित्याची गरज भासत नाही.

(फोटो सौजन्य: Pinterest)

Follow Us:

Follow Us:

व्हॅलेंटाईन डे हा प्रेम व्यक्त करण्याचा दिवस मानला जातो. तो जगभर साजरा केला जातो. या खास प्रसंगी तुम्ही तुमच्या जोडीदारासाठी काही खास करू शकता. जगभरात हा दिवस 14 फेब्रुवारी या दिवशी साजरा केला जातो. अनेकजण या दिवशी आपल्या पार्टनरसह कुठे फिरायला जातात किंवा भेटवस्तू देऊन हा दिवस साजरा करतात. याला प्रेमाचा दिवस म्हटले जाते. अशात आपल्या पार्टनरसह तुम्हीही हा दिवस घरीच साजरा करण्याचा विचार केला असले तर आता चिंता करू नका.

आम्ही तुम्हाला सांगतो की, तुम्ही घरीही हा दिवस तुमच्या जोडीदारासाठी खास बनवू शकता. ते कसे तर आजच्या रेसिपीने… आज आम्ही तुमच्यासाठी व्हॅलेंटाइन्स डे स्पेशल चॉको लाव्हा केकची रेसिपी घेऊन आलो आहोत. मुख्य म्हणजे हा केक आपण बिस्किनटांपासून तयार करणार आहोत. घाबरून जाऊ नका कारण बिस्किटांपासून तयार केलेला हा केक चवीला खरंच फार अप्रतिम लागतो शिवाय कमी वेळेत बनून तयार देखील होतो. चला तर मग आता जाणून घेऊया हा केक तयार करण्यासाठी लागणारे साहित्य आणि कृती.

आवडीच्या भाताला आणखीन स्पेशल बनवा, घरीच तयार करा चमचमीत शाही पुलाव; झटपट रेसिपी नोट करा

साहित्य

• 2 मोठे पाकिट ओरियो बिस्किटे
• दूध
• इनो लेमन फ्लेवर
• चोको चिप
• बटर
• कॅडबरी

रविवारचा बेत करा आणखीन खास! घरी बनवा हॉटेल स्टाईल ‘प्रॉन्स मसाला’; साहित्य आणि कृती नोट करा

कृती

• बिस्किटांचा ‘चॉको लाव्हा केक बनवण्यासाठी सर्वप्रथम ओरियो बिस्किटे घ्या आणि त्यातील पांढरी क्रीम वेगळी करा
• या क्रीमचा आपण सजावटीसाठी वापर करू शकतो
• आता मिक्सरला बिस्किटांचे तुकडे करून याचा व्यवस्थित चुरा करून घ्या
• आता हा चुरा एका भांड्यात काढा आणि यात दूध ओतून छान मिक्स करा
• मिश्रण चांगले एकजीव झाले की त्यात एक छोटा चमचा इनो घालून ते ऍक्टिव होण्यासाठी एक चमचा दूध ओतून पुन्हा एकदा नीट मिक्स करा
• आता दुसरीकडे गॅसवर एक कढई अथवा कुकर ठेवून ते त्यावर झाकण ठेवून गरम करून घ्या
• हार्ट शेपचा केकचा साचा अथवा कोणतेही एक मध्यम आकारचे भांडे घ्या आणि त्याला बटर लावून ग्रीस करा
• यानंतर तयार केकचे अर्धे मिश्रण यात ओता आणि मग यात कादंबरीचे आणि चोको चिप्सचे तुकडे घाला
• तुकडे जरा जास्तच घाला आणि शक्यतो मध्यभागी जरा जास्त घाला
• आता पुन्हा यावर उरलेले केकचे मिश्रण ओता
• आता गरम करत ठेवलेल्या कढईत एक स्टँड ठेवा आणि या स्टँडवर तुमचे केकचे भांडे ठेवा
• शेवटी मंद आचेवर अर्धा तास हा केक छान शिजवून घ्या
• केक थंड झाला की त्याला कढईतून बाहेर काढा आणि यावर शुगर सिरप टाकून याला सजवा
• तयार केक वीस मिनिटे फ्रिजमध्ये सेट करा

Web Title: Valentines day 2025 make everyonce favorite choco lava cake at home easy recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com