बाजारात मिळणारे महागडे ॲव्होकॅडो आता सोप्या पद्धतीमध्ये घरी पिकवा

सुपरफूड म्हणून ओळखले जाणारे ॲव्होकॅडो पिकवण्याची सोपी पद्धत आज आम्ही तुम्हाला सांगणार आहोत, चला तर जाणून घेऊया.

रोजच्या आहारात फळांचे सेवन केल्याने शरीराला आरोग्यदायी फायदे होतात.उन्हाळा किंवा इतर ऋतूंमध्ये शरीराला पाण्याची आवश्यकता असते. फळांमध्ये पाण्याचे प्रमाण जास्त असते. त्यामुळे या दिवसांमध्ये मोठ्या प्रमाणावर फळांचे सेवन केले जाते. इतर फळांप्रमाणे सध्या बाजारात ॲव्होकॅडो (Avocado)हे विदेशी फळ देखील मिळते. या फळाची किंमत जास्त असली तरी अनेक लोक याचे सेवन करतात. सुपरफूड म्हणून ओळखले जाणारे ॲव्होकॅडो हल्ली अनेकांच्या आहाराचा भाग बनला आहे. ॲव्होकॅडो हे फळ रोज खाल्ल्याने वजन कमी होण्यास मदत होऊन शरीराला आरोग्यदायी फायदे होतात. यामुळे शरीरात जमलेले वाईट पदार्थ आणि कोलेस्ट्रॉलचे प्रमाण कमी होते. आज आम्ही तुम्हाला बाजारात मिळणारे सगळ्यात महागडे फळ ॲव्होकॅडो घरच्या घरी कश्या पद्धतीने पिकवायचे याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य: istock)

घरच्या घरी सोप्या पद्धतीमध्ये ॲव्होकॅडो पिकवण्याची पद्धत:

• ॲव्होकॅडोच्या झाडाची लागवड करण्यासाठी जमिनीचा वापर करावा, कारण ॲव्होकॅडोचे झाड ३० फुटांपर्यंत उंच वाढत जाते. हे झाड कुंडीत लावणं योग्य नाही. जमिनीवर मोठ्या प्रमाणात जागा असल्याने हे झाड व्यवस्थित तयार होते. तसेच तुम्ही हे झाड पिशवीत भरून लावू शकता. यामुळे झाडाची उंची वाढणार नाही पण फळे येतील.
• ॲव्होकॅडोच्या झाडाची लागवड करण्यासाठी वनस्पतीचा वापर न करता तुम्ही ते बियांद्वारे सुद्धा पिकवू शकता. त्यासाठी ॲव्होकॅडोची बी घेऊन रात्रभर पाण्यात भिजत ठेवावी. त्यानंतर कॉकपिटचे मिश्रण एका लहान भांड्यात किंवा पिशवीत भरून त्यात रात्रभर भिजत ठेवलेली ॲव्होकॅडोची बी टाकून मातीमध्ये झाड झाकून ठेवावे. काही दिवसांच्या आतमध्ये याचे रोप तयार होईल.
• ॲव्होकॅडोचे पीक जमिनीमध्ये चांगल्या पद्धतीने येण्यासाठी पाण्याचा निचरा होणारी माती अतिशय उपयुक्त आहे. या मातीला वाळूकामय माती असे बोलतात. ॲव्होकॅडोचे रोप मातीमध्ये लावल्यानंतर पोषकतत्वांची कमतरता भरून काढण्यासाठी तुम्ही त्यात शेणखत टाकू शकता. झाडाच्या मुळांजवळ शेण खत किंवा इतर कोणतेही खत टाकल्यास झडला पोषण मिळते.

[read_also content=”१० मिनिटांमध्ये क्रीम न वापरता घरच्या घरी बनवा दाटसर रबडी https://www.navarashtra.com/lifestyle/make-rabdi-quickly-at-home-542265.html”]

• कोणतेही झाड लावल्यानंतर त्याच्या पोषणासाठी सूर्यप्रकाश फार महत्वाचा असतो. सूर्यप्रकाशाशिवाय झाडाला पोषण मिळत नाही. त्यामुळे सूर्यप्रकाश असलेल्या ठिकाणी झाडाची लागवड करावी. अशा ठिकाणी झाडाची लागवड करावी तिथे कमीत कमी ७ ते ८ तास सूर्यप्रकाश असेल. ॲव्होकॅडोच्या झाडाला सतत ओलाव्याची आवश्यकता असते. तसेच एवोकॅडोच्या झाडाला जास्त प्रमाणात पाणी दिले तर झाडाची मूळ कुजण्याची शक्यता असते.