डायबिटीज असणाऱ्या व्यक्तीने किती वेळा ब्लड शुगर चेक केली पाहिजे? जाणून घ्या योग्य पद्धत

डायबिटीज असणाऱ्यांची संख्या दिवसेंदिवस वाढत आहे. अशा व्यक्तींनी नियमितपणे आपली ब्लड शुगर तपासली पाहिजे. पण अनेकांना असा प्रश्न पडतो की आपले ब्लड शुगर किती वेळा आणि कसे तपासले पाहिजे? चला आम्ही तुम्हाला सांगतो.

डायबेटिज हा एक असा आजार आहे जो मुख्यतः चाळिशीनंतर अनेकांमध्ये आढळून येतो. बदलती लाइफस्टाइल आणि चुकीचा आहार या आजाराला कारणीभूत असू शकतो. डायबेटिज असणाऱ्या व्यक्तीने नियमितपणे आपले ब्लड शुगर तपासले केले पाहिजे. या तपासणीमुळे तुम्हाला फक्त तुमचे शुगर लेव्हल समजत नाही तर पुढे होणाऱ्या समस्येला टाळूसुद्धा शकता.

ब्लड शुगर तपासत असताना अनेकांना असा प्रश्न पडतो की ब्लड शुगर किती वेळा तपासली पाहिजे आणि ती तपासण्याची योग्य पद्धत कोणती? चला आज या प्रश्नाचे उत्तर जाणून घेऊया. तसेच टाइप 1 आणि टाइप 2 डायबिटीजमध्ये ब्लड शुगर किती वेळा तपासले पाहिजे आणि ते योग्यरित्या कसे करावे, हे सुद्धा जाणून घेऊया.

ब्लड शुगर किती वेळा तपासावी?

डायबिटीज रुग्णांनी त्यांच्या रक्तातील साखरेची पातळी दररोज तपासावी. कोणताही एकच मार्ग नाही, तो तुमच्या परिस्थितीवर अवलंबून आहे.

• टाइप 1 डायबिटीज: तुम्हाला टाइप 1 डायबिटीज असल्यास, तुम्ही दिवसातून 4-10 वेळा विशेषतः जेवण्यापूर्वी आणि नंतर ब्लड शुगर तपासले पाहिजे. झोपण्यापूर्वी सुद्धा तुम्ही ब्लड शुगर तपासू शकता.
• टाइप २ डायबिटीज: टाइप २ डायबिटीजमध्ये दिवसातून २-४ वेळा ब्लड शुगरची तपासणी करणे पुरेसे असते. जर तुम्ही इन्सुलिन घेत असाल तर जेवण्यापूर्वी आणि झोपण्यापूर्वी ब्लड शुगर तपासा.

ब्लड शुगर चेक करण्याची योग्य पद्धत

• हात धुवा: ब्लड शुगर तपासण्यापूर्वी आपले हात नेहमी चांगले धुवा. घाण किंवा इतर कोणत्याही गोष्टीचा ब्लड शुगर रिडींगवर परिणाम होऊ शकतो.
• ग्लुकोमीटर तयार करा: तुमचे ग्लुकोमीटर आणि स्ट्रिप्स तयार ठेवा. या गोष्टी स्वच्छ आणि योग्य असाव्यात जेणेकरून रिडींग बरोबर होईल.
• ब्लड शुगर रिडींग लक्षात ठेवा: प्रत्येक वेळी ब्लड शुगर चेक करताना त्याची रिडींग लक्षात ठेवा. हे तुमच्या डॉक्टरांना तुमची स्थिती समजण्यास मदत करेल.

महत्वाची सूचना: आरोग्यासंबंधित कोणतीही सूचना अंमलात आणण्यापूर्वी, आपण संबंधित डॉक्टरांचा सल्ला घेणे आवश्यक आहे.