श्रावणातील उपवासाला साखर गुळाचा वापर न करता बनवा अंजीरची खीर, आरोग्यासाठी ठरेल हेल्दी

अंजीराचे सेवन केल्याने आरोग्याला अनेक फायदे होतात. अंजीरमध्ये विटामिन ए, सी, ई, के, कॅल्शियम, पोटॅशियम, कॉपर तसेच अँटी-ऑक्सिडंट गुणधर्म असतात. शरीरातील कमी झालेली ऊर्जा वाढवण्यासाठी आहारात अंजीराचे सेवन करावे. आज आम्ही तुम्हाला उपवासाच्या दिवशी अंजीर खीर कशी बनवायची याची सोपी रेसिपी सांगणार आहोत. खीर बनवताना साखर किंवा गुळाचा वापर न करता तुम्ही अंजीराची खीर बनवू शकता. चला तर जाणून घेऊया रेसिपी.

श्रावण महिन्यात अनेक सण असतात. श्रावण महिना सुरु झाल्यानंतर सोमवारी आणि शनिवारी उपवास केला जातो. उपवास केल्यानंतर आरोग्याला अनेक फायदे होतात. उपवासाच्या दिवशी शंकराची मनोभावे पूजा केली जाते. तसेच काही दिवसांआधी नागपंचमी, रक्षाबंधन यांसारखे सण मोठ्या उत्साहात आणि आनंदात साजरा करण्यात आले. श्रावण महिन्यात सतत कोणते ना कोणते सण असल्यामुळे नेहमी काय गोड पदार्थ बनवावे, असा प्रश्न जर तुम्हाला पडला असेल तर ही रेसिपी नक्की बनवून पहा. अंजीराचे सेवन केल्याने आरोग्याला अनेक फायदे होतात. अंजीरमध्ये विटामिन ए, सी, ई, के, कॅल्शियम, पोटॅशियम, कॉपर तसेच अँटी-ऑक्सिडंट गुणधर्म असतात. शरीरातील कमी झालेली ऊर्जा वाढवण्यासाठी आहारात अंजीराचे सेवन करावे. आज आम्ही तुम्हाला साखर गुळाचा वापर न करता अंजीरचा खीर कशी बनवायची याची सोपी रेसिपी सांगणार आहोत. येत्या श्रावणी शनिवारी अंजीरची खीर नक्की बनवून पहा.(फोटो सौजन्य-istock)

साहित्य:

• सुखे अंजीर
• काजू बदाम
• दूध
• वेलची पावडर
• खजूर
• तूप
• भिजवलेले साबुदाणा
• केशर

हे देखील वाचा: सणाची सुरुवात गोडाने करा, घरी बनवा चवदार गाजराची बर्फी, पारंपरिक रेसिपी नोट करा

कृती:

• अंजीर खीर बनवण्यासाठी सर्वप्रथम एका वाटीमध्ये साबुदाणे भिजत ठेवा. तसेच दुसऱ्या वाटीमध्ये अंजीर भिजवण्यासाठी ठेवा.
• कढईमध्ये दूध गरम करण्यासाठी ठेवा. त्यानंतर दुधाला उकळी आल्यानंतर त्यात भिजवलेले साबुदाणे टाकून चमच्याने मिक्स करून घ्या.
• साबुदाणे व्यवस्थित शिजल्यानंतर त्यात बारीक केलेले काजू, बदाम आणि अंजीराचे तुकडे टाकून मिक्स करून घ्या.
• नंतर त्यात दुधात भिजवलेले खजूर खीरमध्ये टाकून मिक्स करून घ्या. सगळ्यात शेवटी खीरमध्ये वेलची पावडर टाकून मिक्स करा.
• तयार आहे साखर गुळाचा वापर न करता बनवलेली अंजीरची खीर.