पुदीना, कैरीप्रमाणेच टेस्टी आहे केळ्याची चटणी, खाल तर सतत मागाल, जाणून घ्या रेसिपी

Banana Chutney: कैरीची चटणी, कोथिंबीर, पुदिना चटणी आपण नेहमीच ऐकतो. पण तुम्ही केळ्याची चटणी कधी ऐकली आणि खाल्ली आहे का? या चटणीचा स्वादही अप्रतिम असतो, जाणून घ्या सोपी केळ्याच्या चटणीची रेसिपी.

रोज १ केळं खाल्ल्याने बद्धकोष्ठतेची समस्या होत नाही हे तर सर्वांनाच माहीत आहे. पण केळ्याचे अनेक उपयोगही आहेत. अगदी त्वचेची काळजी घेण्यासाठीही केळी उत्तम ठरतेता. केळं हे एक फळ आहे ज्याला उर्जेचे घर असेही म्हटले जाते. केळ्यांपासून अनेक प्रकारचे पदार्थ बनवले जातात. कच्ची केळी असो वा पिकलेली केळी आपल्याकडे उत्तरेपासून ते दक्षिणेकडे त्याचा वेगवेगळ्या पद्धतीने वापर करण्यात येतो. मात्र तुम्ही कधी केळ्याची चटणी ऐकली आहे का? 

हो, केळ्याची चटणी हा एक उत्तम खाद्यपदार्थ आहे, जी दुपारच्या किंवा रात्रीच्या जेवणासोबत तुम्ही चपातीसह खाऊ शकता. पुदिन्याची चटणी, कच्च्या कैरीची चटणी, शेंगदाण्याची चटणी किंवा लसूण चटणी यासारखीच तुम्ही केळ्याची चटणीही करू शकता. चटण्यांच्या कॉम्बिनेशनची एक लांबलचक यादी आहे. या यादीत केळीच्या चटणीचाही समावेश केला जाऊ शकतो, जी जेवणाची चव तर वाढवतेच पण शरीराला पोषणही देते. चला जाणून घेऊया केळीची चटणी कशी बनवायची. (फोटो सौजन्य – iStock) 

[read_also content=”एका दिवसात किती केळी खावी https://www.navarashtra.com/web-stories/health-tips-bananas-how-many-bananas-eating-healthy-nrsa/”]

केळी चटणीसाठी लागणारे साहित्य 

• 2 पिकलेली केळी (मध्यम आकाराची)
• 1/2 टीस्पून जिरे
• 1/4 टीस्पून मोहरी
• 1/4 टीस्पून कढीपत्ता
• 1/4 टीस्पून हिरवी मिरची (बारीक चिरलेली)
• 1/2 टीस्पून हळद पावडर
• 1/4 टीस्पून लाल मिरची पावडर
• 1/4 टीस्पून धने पावडर
• 1/4 टीस्पून गरम मसाला
• चवीनुसार मीठ
• 2 चमचे तेल

बनविण्याची पद्धत 

• केळ्याची चटणी बनवायला सोपी आहे आणि सहज तयार करता येते. केळीची पौष्टिक चटणी बनवण्यासाठी पिकलेली केळी आपल्याला वापरावी लागतात. सर्वप्रथम कढईत मध्यम आचेवर तेल गरम करा 
• त्यात जिरे आणि मोहरी घालून काही सेकंद परतून घ्या
• त्यात कढीपत्ता आणि हिरव्या मिरच्या घालून काही सेकंद परतून घ्या 
• त्यानंतर त्यामध्ये हळद, तिखट, धने पावडर आणि गरम मसाला घालून मिक्स करा
• 1 मिनिट नीट परतून घ्या 
• केळी मॅश करा. त्यानंतर वर तयार केलेले मिश्रण चांगले मिसळा आणि मध्यम आचेवर ५-७ मिनिटे शिजवा. यानंतर चवीनुसार मीठ घालून चटणी चांगली मिक्स करून घ्यावी. चटणी थोडीशी थंड होऊ द्या आणि नंतर सर्व्ह करा
• चपातीसह ही चटणी खायला अत्यंत चविष्ट लागते 

केळ्याचे फायदे 

केळी नियमित खाण्याचे अनेक फायदे आहेत. विशेषतः आरोग्यासाठी केळं खाणे अत्यंत फायदेशीर ठरते. यापैकी काही फायदे जाणून घ्या

• उर्जेचा स्रोत म्हणून केळ्याचे सेवन करणे उत्तम ठरते 
• कॅन्सरशी लढा देण्यासाठीही याचा वापर करता येतो 
• पचनक्रिया उत्तम राखण्यासाठी रोज १ केळं खाण्याचा डॉक्टरही सल्ला देतात 
• तोंड आल्यास उष्णता कमी करण्यासाठी केळं खावे 
• तणाव कमी करण्यासाठी 
• रोगप्रतिकारकशक्ती वाढविण्यासाठीही केळं उत्तम ठरते