मुले गाजर खायला कटकट करतात? मग घरी बनवा टेस्टी कॅरट स्मूदी! याचे आहेत अनेक आरोग्यदायी फायदे

गाजर हा अनेक पोषक घटकांनी समृद्ध आहे. मात्र काहींना गाजर खायला अजिबात आवडत नाही, तुम्हीहि यापैकीच एक असाल तर तुम्ही गाजराची स्मुदी ट्राय करू शकता. ही चवीला रुचकर असून आरोग्यासाठीही फायदेशीर आहे. वाचा सोपी रेसिपी. (फोटो सौजन्य: istock)

गाजर मुळातच एक पौष्टिक पदार्थ आहे. अनेकदा सॅलडमध्ये याचा वापर केले जातो. गाजरातील पोषक घटक अनेक आजरांपासून दूर ठेवण्यास मदत करत असतात. त्यामुळेच नेहमीच आपल्या आहारात गाजराचा समावेश करावा. मात्र अनेकदा लहान मुले गाजर खाण्यास टाळाटाळ करत असतात. अशावेळी तुम्ही त्यांना गाजराची टेस्टी स्मूदी तयार करून प्यायला देऊ शकता.

स्मुदीमध्ये फळे आणि भाज्या असतात ज्या सर्व महत्वाच्या पोषक घटकांनी परिपूर्ण असतात. या स्मुदीत अनेक पोषक घटक असल्याकारणाने अनेक आजरांपासून दूर ठेवण्यात याची मदत होईल. याची चवही छान लागते त्यामुळे लहान मुलेही ही स्मुदी काही क्षणातच फस्त करतील आणि तुम्हाला त्याच्या मागे लागण्याचीही आवश्यकता भासणार नाही. तसेच तुम्ही डाएट करत असाल तर तुमच्यासाठीही हा एक उत्तम पर्याय आहे. चला तर पाहुयात या स्मुदीसाठी लागणारे साहित्य आणि कृती.

साहित्य

• 2 ते तीन गाजर मध्यम आकाराचे
• 1/2 लिंबू
• 1/2 इंच आले
• मध आवश्यक असल्यास

कृती

• हेल्दी स्मुदी तयार कारण्यासाठी सर्वप्रथम गाजर स्वछ पाण्याने धुवूनच टाका
• मग यावरील मुलांचे धागे काढा
• आता गाजराचे तुकडे करून मिक्सरमध्ये टाकून बारीक करून घ्या
• नंतर यात ग्लसभर पाणी टाका आणि पुन्हा मिक्सरमध्ये फिरावा
• गाजर पूर्णपणे बारीक पेस्ट झाली की त्यानंतर गाजराचा रस ग्लासमध्ये काढून त्यात लिंबू पिळून टाका
• आता लिंबू पिळल्यानंतर त्याला थोडासा आंबटपणा येईल
• नंतर आवडत असल्यास यात मध घालावा किंवा मध न घालतादेखील ही स्मुदी तुम्ही तशीच पिऊ शकता
• अशाप्रकारे गाजराची स्मुदी तयार होईल
• तुम्ही हिला फ्रीडमध्ये ठेवून थोडी थंड करूनही याचा आस्वाद घेऊ शकता