सकाळच्या नाश्त्यासाठी झटपट बनवा चविष्ट रताळ्याचा किस, पदार्थ ठरेल आरोग्यासाठी अतिशय पौष्टिक

सकाळच्या नाश्त्यात सोप्या पद्धतीमध्ये रताळ्याचा किस नक्की बनवून पहा. तुम्ही बनवलेला हा पदार्थ घरातील सगळ्यांचं नक्की आवडेल. रताळी खाणे आरोग्यासाठी अतिशय पौष्टिक आणि हेल्दी आहे. जाणून घ्या सोपी रेसिपी.

सकाळच्या नाश्त्यात नेहमी नेहमी काय बनवावं? हे सुचत नाही. अशावेळी तुम्ही सोप्या पद्धतीमध्ये रताळ्याचा चविष्ट किस बनवू शकता. रताळ्याचा किस बनवण्यासाठी अतिशय कमी साहित्य आणि वेळ लागतो. याशिवाय रताळ खाणं आरोग्यासाठी अतिशय पौष्टिक आहे. यामध्ये असलेले गुणधर्मांमुळे शरीराला आवश्यक पोषक घटक मिळतात. दैनंदिन आहारात नियमित रताळ्याचे सेवन केल्यास वाढलेले वजन नियंत्रणात राहण्यास मदत होईल. रताळ खाल्यानंतर लवकर भूक लागत नाही. दीर्घकाळ पोट भरलेले राहते. त्यामुळे रोजच्या आहारात नियमित रताळ्याचे सेवन करावे. रताळ्यामध्ये भरपूर प्रमाणात फायबर आढळून येते. सकाळच्या नाश्त्यात फायबरने समृद्ध असलेल्या पदार्थांचे सेवन केल्यास आरोग्य सुधारण्यास मदत होईल. सकाळच्या वेळी पोटभर नाश्ता करणे आवश्यक आहे. नाश्ता केल्यामुळे संपूर्ण दिवस आनंद आणि उत्साहामध्ये जातो. चला तर जाणून घेऊया रताळ्याचा किस बनवण्याची सोपी रेसिपी.(फोटो सौजन्य – iStock)

नाश्त्यामध्ये बनवा लहान मुलांच्या आवडीचे Creamy Veg Sandwich, नोट करून घ्या सोपा पदार्थ

See more

साहित्य:

• रताळ
• मीठ
• तूप
• हिरवी मिरची
• लाल तिखट
• शेंगदाण्याचा कूट
• साखर

वाटीभर नाचणीच्या पिठाच्या वापर करून बनवा चविष्ट केक, वाढलेले वजन राहील नियंत्रणात

See more

कृती:

• रताळ्याचे किस बनवण्यासाठी सर्वप्रथम, रताळी स्वच्छ पाण्याने धुवून घ्या. त्यानंतर त्यांची साल काढून पुन्हा एकदा काहीवेळ रताळी पाण्यात ठेवा.
• किसणीच्या साहाय्याने रताळी बारीक किसून घ्या. जास्त जाड रताळी किसू नये.
• कढईमध्ये तूप गरम करून त्यात बारीक चिरून घेतलेल्या हिरव्या मिरच्या भाजून घ्या.
• नंतर त्यात किसून घेतलेला रताळ्याचा किस टाकून मिक्स करा.
• एक वाफ आल्यानंतर त्यात शेंगदाण्याचा कूट, लाल तिखट, चवीनुसार मीठ आणि साखर टाकून मिक्स करून घ्या.
• तयार आहे सोप्या पद्धतीमध्ये बनवलेला रताळ्याचा किस. हा पदार्थ तुम्ही उपवासाच्या दिवशी सुद्धा खाऊ शकता.