एकाच ग्रॅव्हीपासून बनवता येतील अनेक पदार्थ, रोजच्या जेवणात करा समावेश, वाचा रेसिपी

घरात बनवायला तासनतास लागणार पदार्थ रेस्टॉरंटमध्ये काही मिनिटांतच कसा तयार होतो. खरं तर रेस्टॉरंटमध्ये भाज्यांची ग्रेव्ही आधीच बनवून ठेवली जाते. तुम्हालाही झटपट भाज्या तयार करायच्या असतील तर ही ग्रेव्ही घरात बनवून पहा. (फोटो सौजन्य: istock)

रेस्टॉरंटचे चवदार जेवण अनेकदा खाण्याची इच्छा होत असते. घरातल्या जेवणाचा कंटाळा आला की, काही तरी नवीन म्हणून आपण रेस्टॉरंटमध्ये जेवणासाठी जात असतो. प्रत्येक भाजीची चव लपलेली असते तिच्या ग्रेव्हीत. तुमची ग्रेव्ही जितकी स्वादिष्ट असेल तितकाच तुमचा पदार्थ रुचकर बनतो. रेस्टॉरंटमध्ये जेवायला गेल्यावर अगदी क्षणार्धात आपल्यासमोर जेवण सर्व्ह केले जाते. मात्र तुम्ही कधी विचार केला आहे का, ज्या जेवणाला बनवायला घरी तासनतास लागतात तेच जेवण रेस्टॉरंटमध्ये काही मिनिटांतच कसे तयार होते. यामागचे खरे कारण आहे त्यांची ग्रेव्ही.

रेस्टॉरंटमध्ये बऱ्याचदा भाज्यांची ग्रेव्ही आधीच बनवून ठेवली जाते. ही ग्रेव्ही अनेक भाज्यांमध्ये वापरता येते. तुम्हालाही अशी रेस्टॉरंट स्टाइल ग्रेव्ही बनवायची असेल तर ही रेसिपी जरूर वाचा आणि घरी ट्राय करा. या ग्रॅव्हीने तुमचे जेवण अगदी कमी वेळेत बनून तयार होईल. तसेच या ग्रेव्हीला तुम्ही काही दिवस स्टोर करूनही ठेवू शकता.

[read_also content=”तांदळाच्या पिठापासून नाही तर गव्हाच्या पिठापासून बनवा इन्स्टंट कुरकुरीत डोसा https://www.navarashtra.com/lifestyle/instant-easy-and-tasty-wheat-dosa-recipe-544311.html”]

साहित्य

• 4 मोठे कांदे
• 5-6 मोठे लाल टोमॅटो
• 2 इंच आले
• 6-7 हिरव्या मिरच्या
• कोथिंबीर
• अर्धा टीस्पून लाल तिखट
• अर्धा टीस्पून हळद
• अर्धा टीस्पून गरम मसाला
• अर्धा टीस्पून जिरे पावडर
• एक चिमूटभर हिंग
• 1 टीस्पून ओवा
• 1 टेबलस्पून धने
• 1 टीस्पून जिरे
• 2 दालचिनीच्या काड्या
• 2-3 तमालपत्र
• 5-6 हिरव्या वेलची
• 7-8 लवंग
• 12-15 काजू
• 1 टीस्पून मीठ
• अर्धा कप तेल

कृती

• रेस्टॉरंट स्टाइल ग्रेव्ही बनवण्यासाठी सर्वप्रथम कांदा सोलून बारीक चिरून घ्या. आता एका कढईत तेल गरम करून यात चिरलेला कांदा टाका
• कांदा थोडा परतून घ्या मग यात काजू आणि धने घाला
• नंतर यात टोमॅटो आणि मीठ घाला आणि काही मिनिटे याला चांगले शिजू द्या
• त्यानंतर यात हिरवी मिरची आणि आलं घाला
• आता यात शेवटी कोथिंबीर घाला आणि सर्व साहित्य नीट एकजीव करून शिजू द्या
• हे सर्व साहित्य हलके परतून घेतल्यानंतर गॅस बंद करा आणि हे साहित्य थंड होऊ द्या. थंड झाल्यानंतर मिक्सरमध्ये याची एक पेस्ट तयार करा
• आता गॅसवर दुसरी कढई ठेवा, यात तेल टाका
• तेल गरम झाले की यात २ दालचिनीच्या काड्या, २-३ तमालपत्र, ५-६ हिरव्या वेलची आणि ७-८ लवंगा घाला. नंतर यात सर्व मसाले आणि पाणी घाला
• मसाले काही मिनिटे शिजल्यानंतर यात तयार पेस्ट टाका आणि मंद आचेवर ५ ते ६ मिनिटे शिजू द्या. चांगले शिजल्यानंतर गॅस बंद करा
• अशाप्रकारे तुमची ग्रेव्ही तयार होईल. यात वेगवगेळ्या भाज्या टाकून तुम्ही अनेक पदार्थ तयार करू शकता

[blurb content=””]