देशातील या ठिकाणाला म्हटलं जात हजारो मंदिराचं शहर, अनोखा आहे इथला इतिहास

कांचीपुरम हे ‘हजार मंदिरांचे शहर’ म्हणून प्रसिद्ध असून, भव्य मंदिर वास्तुकला, समृद्ध इतिहास आणि दक्षिण भारतातील आध्यात्मिक केंद्र म्हणून त्याचे विशेष महत्त्व आहे.

• भारतात अनेक मंदिरे आहेत.
• पण तुम्हाला देशातील मंदिरांचे शहर कुठे आहे माहिती आहे का?
• हे एक अनोखे ठिकाण आहे जिथे तुम्हाला भव्य वास्तुकला पाहता येते.

इतिहास आणि भूगोलाशी संबंधित प्रश्न-उत्तर समजून घेण्यासाठी सामान्य ज्ञानाची (GK) भक्कम पायाभरणी असणे गरजेचे असते. भारतातील अनेक शहरे त्यांच्या खास टोपणनावांमुळे ओळखली जातात, आणि ही नावे त्या शहरांच्या ऐतिहासिक आणि सांस्कृतिक वारशाची झलक दाखवतात. अशाच शहरांपैकी एक म्हणजे कांचीपुरम, ज्याला ‘हजार मंदिरांचे शहर’ म्हणून ओळखले जाते. दक्षिण भारतातील हे प्राचीन शहर आपल्या भव्य मंदिर वास्तुकला, आध्यात्मिक परंपरा आणि शिक्षणाच्या केंद्र म्हणून प्रसिद्ध आहे. चला जाणून घेऊया, या शहराला हे विशेष नाव का मिळाले आणि त्यामागचा इतिहास काय आहे.

फ्रीमध्ये 7 दिवस परदेश फिरण्याची सुवर्णसंधी! लगेच करा अर्ज, मर्यादित वेळच

‘हजार मंदिरांचे शहर’ म्हणून ओळख

कांचीपुरम हे तमिळनाडूमधील एक ऐतिहासिक आणि धार्मिकदृष्ट्या महत्त्वाचे शहर आहे. प्राचीन काळापासून येथे असंख्य मंदिरे उभी राहिली असून, त्यामुळंच याला ‘हजार मंदिरांचे शहर’ असे म्हटले जाते. हे शहर हिंदू धर्म, तत्त्वज्ञान आणि भक्ती परंपरेचे प्रमुख केंद्र राहिले आहे. येथे पल्लव वंश, चोल वंश आणि विजयनगर साम्राज्य यांसारख्या साम्राज्यांनी सुमारे हजारो मंदिरे उभारली होती. त्यामुळे कांचीपुरमला दक्षिण भारताची आध्यात्मिक राजधानी मानले जाते.

१५०० वर्षांची समृद्ध वास्तुकला

कांचीपुरम आणि त्याच्या परिसरात अनेक अद्वितीय मंदिरे आढळतात. या मंदिरांमध्ये सुंदर मूर्ती, नक्षीकाम आणि प्राचीन शिल्पकलेचा अप्रतिम संगम दिसतो. सुमारे १५०० वर्षांच्या कालावधीत येथे मंदिर बांधकाम आणि धार्मिक परंपरा सातत्याने विकसित होत गेल्या. विशेषतः विजयनगर साम्राज्य काळात उभारलेले एकाम्बरेश्वर मंदिर आणि वरदराज पेरुमल मंदिर ही मंदिरे आजही त्यांच्या भव्य गोपुरम आणि शिल्पकलेसाठी प्रसिद्ध आहेत.

या पवित्र ठिकाणी पार पडला होता राधा- कृष्णाचा विवाहसोहळा, स्वतः ब्रह्मदेवाने केले होते धार्मिक विधी

कांचीपुरमचा इतिहास

कांचीपुरम हे प्राचीन काळापासून समृद्ध आणि प्रसिद्ध शहर म्हणून ओळखले जाते. हे शहर वेगावती नदीच्या काठावर वसलेले आहे. सुरुवातीला चोल वंश आणि नंतर पल्लव वंश यांची ही राजधानी होती. पल्लव राजांनी येथे भव्य मंदिरे, रुंद रस्ते आणि मजबूत किल्ले उभारले. महाकवी कालिदास यांनी कांचीपुरमला ‘नगरांमध्ये श्रेष्ठ’ असे वर्णन केले आहे. तसेच ७व्या शतकातील चीनी प्रवासी ह्वेनसांग यांनी येथे भेट देऊन शिक्षण आणि संस्कृतीची प्रशंसा केली होती. एकूणच, कांचीपुरम हे केवळ मंदिरांचे शहर नसून, भारताच्या समृद्ध इतिहास, वास्तुकला आणि आध्यात्मिक परंपरेचे जिवंत उदाहरण आहे.