त्वचेवरील डाग, मुरूम घालवण्यासाठी ‘अशा’ पद्धतीने करा लिंबाच्या रसाचा वापर

चेहऱ्यावरील हरवलेली चमक पुन्हा परत मिळवण्यासाठी महिला वेगवेगळे उपाय करत असतात. पण याचा फारसा परिणाम चेहऱ्यावर दिसून येत नाही. त्यामुळे त्वचेचे सौंदर्य वाढवण्यासाठी घरगुती पदार्थांचा वापर करावा. चेहऱ्यावर लावण्यासाठी प्रामुख्याने लिंबाच्या रसाचा वापर केला जातो. लिंबाच्या रसात असलेले गुणधर्म त्वचेचा रंग सुधारण्यासोबतच चेहऱ्यावर आलेले डाग किंवा मुरूम घालवण्यासाठी मदत करते.

पावसाळ्यात वातावरणातील आद्रतेचा परिणाम त्वचेवर लगेच दिसून येतो. यामुळे चेहरा तेलकट आणि चिकट होऊन जातो. तेलकट झालेल्या त्वचेवर मुरूम किंवा फोड सहज येतात. त्यामुळे पावसाळ्याच्या दिवसांमध्ये योग्य ते स्किन केअर रुटीन फॉलो करणे फार गरजेचे आहे. खाण्यापिण्यामध्ये बदल झाल्यानंतर त्वचेवर त्याचा परिणाम दिसून येतो. तेलकट आणि अति तिखट पदार्थ खाल्ल्यानंतर चेहऱ्यावर मोठे मोठे फोड येतात. हे फोड येऊ नये म्हणून खाण्यापिण्याच्या सवयींमध्ये बदल करून योग्य ते स्किन केअर रुटीन फॉलो करणे गरजेचे आहे.

चेहऱ्यावरील हरवलेली चमक पुन्हा परत मिळवण्यासाठी महिला वेगवेगळे उपाय करत असतात. पण याचा फारसा परिणाम चेहऱ्यावर दिसून येत नाही. त्यामुळे त्वचेचे सौंदर्य वाढवण्यासाठी घरगुती पदार्थांचा वापर करावा. चेहऱ्यावर लावण्यासाठी प्रामुख्याने लिंबाच्या रसाचा वापर केला जातो. लिंबाच्या रसात असलेले गुणधर्म त्वचेचा रंग सुधारण्यासोबतच चेहऱ्यावर आलेले डाग किंवा मुरूम घालवण्यासाठी मदत करते. लिंबाच्या रसात विटामिन सी असते. त्यामुळे आज आम्ही तुम्हाला त्वचेवर लिंबाच्या रसाचा वापर कसा करावा, याबद्दल सांगणार आहोत.चला तर जाणून घेऊया.(फोटो सौजन्य-istock)

हे देखील वाचा: चेहऱ्यावर सेलिब्रिटीसारखा ग्लो हवाय! तर जान्हवीने सांगितलेला फेसपॅक नक्की बनवून पहा

लिंबाचा रस अशा पद्धतीने त्वचेसाठी वापरा:

• चेहऱ्यावर आलेले डाग किंवा फोड घालवण्यासाठी लिंबाच्या रसात कापूस बुडवून डाग आलेल्या ठिकाणी लावा आणि सकाळी उठल्यानंतर चेहरा स्वच्छ पाण्याने धुवा. यामुळे मुरूम आणि फोड निघून जातील.
• लिंबाच्या रसामध्ये 1 चमचा मध मिक्स करून चेहऱ्यावर लावा. यामुळे त्वचेचा रंग सुधारण्यास मदत होईल.
• लिंबाच्या रसात गुलाबपाणी मिक्स करून तुम्ही त्वचेवर लावू शकता. तयार केलेल्या मिश्रणाचा तुम्ही टोनरप्रमाणे वापर करू शकता.
• दही, मुलतानी माती आणि बेसनमध्ये लिंबाचा रस मिक्स करून लावल्यास चेहऱ्यावरील मुरुमांचे डाग निघून जाऊन त्वचा सुंदर आणि चमकदार होईल.

लिंबाच्या रसाचे फायदे:

• लिंबाच्या रसामध्ये असलेले गुणधर्म त्वचेचा रंग सुधारतात. तसेच यामुळे मेलेनिनचे उत्पादन कमी होते.
• चेहऱ्यावर जमा झालेल्या बॅक्टेरियाशी लढण्यासाठी लिंबाचा रस फायदेशीर आहे. यामुळे त्वचेचे छिद्र स्वच्छ होतात. तसेच चेहऱ्यामधील अतिरिक्त छिद्र कमी होण्यास मदत होते.
• लिंबाच्या रसामध्ये असलेले विटामिन सी त्वचेचा रंग उजळ्वण्यासाठी मदत करते. तसेच त्वचेमधील पीएची पातळी संतुलित करण्यासाठी फायदेशीर आहे.

हे देखील वाचा:  पावसाळ्यात कानाचा संसर्ग का वाढतो? जाणून घ्या संसर्ग होऊ नये म्हणून कशी काळजी घ्यावी

लिंबाचा रस लावताना कोणती काळजी घ्यावी:

• लिंबाचा रस थेट त्वचेला लावू नये, यामुळे त्वचेवर जळजळ किंवा लाल डाग येऊ शकतात.
• लिंबाचा रस चेहऱ्याला लावल्यानंतर सूर्य किरणांमध्ये जाऊ नये. असे केल्यास सूर्याच्या किरणांमुळे त्वचेमध्ये जळजळ होऊ शकते.
• कोरडी किंवा संवेदनशील त्वचा असलेल्या महिलांनी चेहऱ्यावर लिंबाचा रस लावू नये.
• डोळ्यांच्या खाली असलेल्या नाजूक त्वचेला लिंबाचा रस लावू नये.