तिरुपतीच्या मंदिरात प्रसादासाठी बनवला जाणारा लाडू आता घरीच बनवा, वाचा रेसिपी

पर्यटकांच्या आकर्षणाचे केंद्र स्थान म्हणजे दक्षिण भारतामधील तिरुपती बालाजी मंदिर. हे मंदिर पाहण्यासाठी दरवर्षी लाखो पर्यटक या मंदिराला भेट देतात. भारतामधील सगळ्यात श्रीमंत मंदिरांमध्ये या मंदिराचे नाव आहे. तिरुपती बालाजी मंदिरात दर्शनाला गेल्यानंतर अनेक लोक केस दान करतात. तसेच तिथे प्रसादामध्ये मिळणारे लाडू खूप फेमस आहेत.

दक्षिण भारतामध्ये अनेक सुंदर आणि बारीक नक्षीकाम केलेली सुंदर मंदिर आहेत. दक्षिण भारतामध्ये असलेली ही मंदिर पाहण्यासाठी अनेक पर्यटक देश विदेशातून येत असतात. पर्यटकांच्या आकर्षणाचे केंद्र स्थान म्हणजे दक्षिण भारतामधील तिरुपती बालाजी मंदिर. हे मंदिर पाहण्यासाठी दरवर्षी लाखो पर्यटक या मंदिराला भेट देतात. भारतामधील सगळ्यात श्रीमंत मंदिरांमध्ये या मंदिराचे नाव आहे. तिरुपती बालाजी मंदिरात दर्शनाला गेल्यानंतर अनेक लोक केस दान करतात. तसेच तिथे प्रसादामध्ये मिळणारे लाडू खूप फेमस आहेत. दक्षिण भारतात मिळणाऱ्या प्रसादाच्या लाडूवर खाण्याचा कापूर ठेवला जातो. ही या मंदिरात मिळणाऱ्या प्रसादाची खासियत आहे. आज आम्ही तुम्हाला तिरुपती बालाजीच्या मंदिरात मिळणारा लाडू घरी कसा बनवायचा याची सोपी कृती सांगणार आहोत. तुम्हीसुद्धा हा लाडू नक्की बनवून पहा.(फोटो सौजन्य-istock)

साहित्य:

• चणा डाळ
• साखर
• केशर दूधात भिजवलेले
• तूप
• खडीसाखर
• दूध
• काजू, बदाम
• प्रसादाचा कापूर

हे देखील वाचा: सकाळच्या नाश्त्यामध्ये हेल्दी पदार्थ हवा आहे? मग बनवून पहा पालक पनीर डोसा

कृती:

• तिरुपती बालाजीच्या मंदिरात प्रसादामध्ये मिळणारा लाडू बनवण्यासाठी सर्वप्रथम चणा डाळ स्वच्छ धुवून दुधामध्ये ५ तास भिजत ठेवा.
• त्यानंतर भिजवलेली चणा डाळ वाटून घ्या. पॅनमध्ये तूप गरम करण्यासाठी ठेवा. गरम तुपात डाळीचे मिश्रण व्यवस्थित भाजून घ्या.
• डाळीचे मिश्रण घट्ट झाल्यानंतर त्यात दूध टाकून मिक्स करून घ्या. मिक्स करून झाल्यानंतर हळूहळू मिश्रण घट्ट होईल.
• नंतर त्यात साखर टाकून पुन्हा एकदा मिक्स करून घ्या. नंतर केशराचे दूध टाकून गॅस बंद करा.
• मिश्रण थंड झाल्यानंतर त्यात काजू, बदाम, मनुके, खडीसाखर आणि कापूर टाकून मिक्स करून लाडू तयार करा.
• तयार आहेत सोप्या पद्धतीमध्ये बनवले जाणारे तिरुपती बालाजी मंदिरातील प्रसादाचे लाडू.