साबुदाण्याची खिचडी खाऊन कंटाळा आला असेल तर उपवासाच्या दिवशी बनवा स्पेशल कचोरी

उपवासाच्या दिवशी नेमका काय पदार्थ बनवायचा हा प्रश्न सगळ्यांचं पडतो. अशावेळी तुम्ही उपवासाच्या दिवशी स्पेशल कचोरी बनवून शकता. चला तर जाणून घेऊया रेसिपी.

यंदाच्या वर्षी २१ जूनला वटपौर्णिमा सण आहे. सर्व पतीच्या दीर्घायुष्यासाठी वडाच्या झाडाची पूजा करतात. पती पत्नीच्या नात्यातील गोडवा आणखीन वाढण्यासाठी हा सॅन साजरा केला जातो. या दिवशी विवाहित स्त्रिया दिवसभर आपल्या पतीसाठी उपवास करतात. सात जन्म हा पती मिळावा यासाठी वडाकडे प्रार्थना करतात. तसेच उत्तर भारतामध्ये करावा चौथला खूप महत्व आहे. या उपवासाच्या दिवशी सर्व महिला फक्त पाणी पिऊन राहतात. तर काहींना उपवासाच्या दिवशी साबुदाण्याची खिचडी खायला आवडते. तुम्ही सुद्धा साबुदाण्याची तीच खिचडी खाऊन कंटाळा असाल तर आम्ही तुम्हाला उपवासाचा एक स्पेशल पदार्थ सागणार आहोत. हा पदार्थ तुम्ही वटपौर्णिमेच्या उपवासाला नक्की बनवून बघा. उपवासाच्या दिवशी खाल्ली जाणारी कचोरी घरच्या घरी कशी बनवायची याची जाऊन घेऊया रेसिपी.(फोटो सौजन्य: istock)

साहित्य:

• ओलं खोबर
• कोथिंबीर
• हिरव्या मिरच्या
• काजूचे तुकडे
• बेदाणे
• लिंबाचा रस
• मीठ
• बटाटा
• तूप

कृती:

• उपवासाची कचोरी बनवण्यासाठी बटाटे उकडून साल काढून ते किसून घ्या. बटाटे किसताना हाताला तेल लावावे.
• त्यानंतर किसलेल्या बटाट्यांमध्ये आरारूट आणि मीठ घालून व्यवस्थित मिक्स करून घ्या.
• एका बाउलमध्ये बारीक चिरलेली कोथिंबीर, किसलेले ओलं खोबर, हिरव्या मिरच्या, मीठ, बेदाणे, लिंबाचा रस टाकून व्यवस्थित मिक्स करून घ्या. नंतर त्यात काजूचे बारीक तुकडे घालून मिक्स करा.
• किसलेल्या बटाट्यांचे मिश्रण घेऊन त्याचे गोळे करून त्यात खोबऱ्याचे सारण भरा. असं करून सर्व कचोऱ्या बनवून घ्या.
• कढईमध्ये तूप किंवा तेल गरम करण्यासाठी ठेवा. तूप गरम झाल्यानंतर त्यात कचोरी तळून घ्या. कचोरीचा रंग सोनेरी झाल्यानंतर काढून घ्या.
• तयार आहे उपवासाची स्पेशल कचोरी.