साखर गुळाचा वापर न करता कपभर ड्रायफ्रुटची तयार करा पौष्टीक बर्फी, हाडांना मिळेल ताकद

शारीरिक आरोग्य सुधारण्यासाठी आहारामध्ये डाळी आणि सुका मेवा यांचा आवर्जून समावेश करावा. सकाळी उठल्यानंतर अनेकदा आपल्याला खूप भूक लागते. भूक लागल्यानंतर नेमका कोणता पदार्थ खावा असा प्रश्न सगळ्यांचं पडतो. काही घरांमध्ये सकाळी उठल्यानंतर लहान मुलांना खजूर, भिजवलेले बदाम खायला दिले जातात. ड्राय फ्रुट खाल्ल्याने आरोग्याला अनेक फायदे होतात. हाडांचे आरोग्य निरोगी ठेवण्यासाठी आणि हाडांची ताकद वाढवण्यासाठी आहारात ड्रायफ्रूट बर्फीचा समावेश करा. ही बर्फी बनवण्यासाठी अगदी सोपी आहे.

रोजच्या आहारात पौष्टीक पदार्थांचे सेवन केल्याने आरोग्याला अनेक फायदे होतात. रोजच्या आहारात फळे, भाज्या, अंडी, हिरव्या पालेभाज्या इत्यादी पदार्थांचे सेवन केल्याने शरीराला पोषण मिळते. शारीरिक आरोग्य सुधारण्यासाठी आहारामध्ये डाळी आणि सुका मेवा यांचा आवर्जून समावेश करावा. सकाळी उठल्यानंतर अनेकदा आपल्याला खूप भूक लागते. भूक लागल्यानंतर नेमका कोणता पदार्थ खावा असा प्रश्न सगळ्यांचं पडतो. काही घरांमध्ये सकाळी उठल्यानंतर लहान मुलांना खजूर, भिजवलेले बदाम खायला दिले जातात. ड्राय फ्रुट खाल्ल्याने आरोग्याला अनेक फायदे होतात. यामुळे वाढलेले वजन नियंत्रणात राहते. तसेच भूक लागल्यानंतर ड्राय फ्रुट खाल्ल्यास लवकर भूक लागत नाही.

हाडांची ताकद वाढवण्यासाठी आहारात ड्रायफ्रूटचे सेवन करावे.काजू, बदाम, पिस्ता, अक्रोड या ड्रायफ्रुटमध्ये मुबलक प्रमाणात खनिजे, प्रथिने, जीवनसत्त्वे, अँटिऑक्सिडंट्स आढळून येतात. सकाळी उठल्यावर हे ड्रायफ्रूट खाल्ल्यास दिवसभर शरीरात ऊर्जा टिकून राहते. पण काही लोकांना ड्राय फ्रुट खायला आवडत नाही. अशावेळी तुम्ही त्यांना ड्रायफ्रूटपासून बनवलेली बर्फी खायला देऊ शकता. ही बर्फी बनवण्यासाठी अगदी सोपी आहे. चला तर जाऊन घेऊया कपभर ड्रायफ्रुटपासून बर्फी बनवण्याची सोपी कृती. (फोटो सौजन्य-istock)

साहित्य:

• बदाम
• काजू
• तूप
• पिस्ता
• अक्रोड
• सूर्यफूल – भोपळ्याच्या बिया
• खजूर
• अंजीर
• वेलची पूड

हे देखील वाचा: केसांची वाढ होत नाही? तर खोबरेल तेलात मिक्स करा ‘हे’ पदार्थ, केस दिसतील चमकदार

कृती:

• ड्राय फ्रुट बनवण्यासाठी सर्वप्रथम कढईमध्ये तूप गरम करून घ्या. गरम तुपात एक कप बदाम, एक कप काजू, अर्धा कप पिस्ता, अक्रोड, एक चमचा सूर्यफुल आणि भोपळ्याच्या बिया घालून भाजून घ्या.
• भाजून झाल्यानंतर सर्व ड्रायफ्रूट थंड करून घ्या.
• मिक्सरच्या भांड्यात ओल्या खजुरांमधील बी काढून खजूर मिक्सरमधून बारीक करून घ्या.
• कढईमध्ये पुन्हा एकदा एक चमचा तूप गरम करून त्यात खजूरची पेस्ट घाला.
• मंद आचेवर गॅस ठेवा. नंतर त्यात बारीक केलेले अंजीर टाकून भाजून घेतलेले सर्व ड्रायफ्रूट आणि वेलची पावडर टाकून मिक्स करून घ्या.
• पसरट ताट किंवा डब्बा घेऊन त्याला तूप लावा. त्यानंतर त्यात मिश्रण बर्फीचे मिश्रण टाकून सेट होण्यासाठी ठेवा.
• सेट झाल्यानंतर सुरीच्या सहाय्याने बर्फी कापून घ्या. तयार आहे पौष्टीक ड्रायफ्रूट बर्फी.

ड्रायफ्रूट खाल्ल्याने आरोग्याला होणारे फायदे:

• रोजच्या आहारात ड्रायफ्रूटचे सेवन केल्याने आरोग्याला अनेक फायदे होतात. यामध्ये असलेले पौष्टिक घटक रोगप्रतिकारशक्ती वाढवण्यासाठी मदत करतात.
• नियमित ड्रायफ्रूटचे सेवन केल्याने वजन नियंत्रणात राहते.
• ड्रायफ्रूट्समध्ये असलेले आवश्यक जीवनसत्त्वे, खनिजे आणि काही संयुगे कोलेस्ट्रॉलची पातळी कमी करण्यास प्रभावी आहेत.
• भिजवलेले बदाम खाल्ल्याने स्मरणशक्ती तीक्ष्ण होते. तसेच शरीरामध्ये ऊर्जा कायम टिकून राहते.
• अक्रोड आणि बदाम मुक्त रॅडिकल्स शरीराचा बचाव करतात.ड्रायफ्रूटचे सेवन केल्याने शरीरातील पेशींचे नुकसान होत नाही.