अवघ्या काही मिनिटांतच बनवा पौष्टिक गुणधर्मांनी परिपूर्ण गुळपापडीचे लाडू

अगदी काही मिनिटांतच बनवा गुळपापडीचे लाडू जे आरोग्यासाठी फायदेशीर ठरतील. रोज सकाळी ऑफिसला जाताना एख लाडू खाऊन जाणे उत्तम आरोग्यस चांगले असेल.

अलीकडे सध्या फास्ट फूडचे ट्रेंड सुरू आहे. अनेजण मोठ्या प्रमाणावर पिझ्झा, पास्ता, बर्गर या पदार्थांचे सेवन करत आहे. हे पदार्थ खायला चवीष्ट लागत असले तरी आरोग्यासाठी नुकसानकारक ठरतात. यामुळे या पदार्थांचे सेवन कमी करणे निरोगी आयुष्यासाठी महत्त्वाचे आहे. आम्ही तुम्हाला आज चवीष्ट आणि पौष्टिक अशा गुळपापडीच्या लाडूची रेसिपी सांगणार आहोत. गहू व गूळ वापरून बनवलेला हा लाडू आरोग्यासाठी खूप फायदेशीर आहे. खरंतर गव्हाचे पीठ व गूळ वापरून गूळपापडी बनवतात. जी गुजरातमधील लोकप्रिय स्वीट डीश आहे. पण कालांतराने हा पदार्थ भारताच्या इतर भागातही लोकप्रिय झाला. तसेच त्याचे लाडू बनवले जाऊ लागले. मुलांच्या डब्यात दुपारच्या सुट्टीत खाण्यासाठी, तसेच ऑफिसला जाताना टिफिनमध्ये घेऊन जाऊ शकता.

चला तर मग जाणून घेऊयात गुळपापडीचे लाडू कसे बनवायचे. रेसिपी लगेच नोट करून घ्या.

लाडू बनवण्यासाठी लागणारे साहित्य

• 1 कप गव्हाचे पीठ
• 4 टीस्पून तूप
• ½ कप गूळ
• 1 टीस्पून वेलची पावडर
• ड्राय फ्रूट

कृती

• सर्वप्रथम गूळ बारीक किसून घ्या.
• त्यानंतर कढईत तूप गरम करून त्यात गव्हाचे पीठ घाला. मंद आचेवर गव्हाचे पीठ चांगले भाजून घ्या.
• पीठ भाजून झाल्यावर त्यामध्ये वेलची पावडर मिक्स करून घ्या.
• नंतर त्यामध्ये किसलेला गूळ घालून वितळेपर्यंत मिक्स करून घ्या.
• आता त्यात ड्रायफूट घालून मिक्स करून घ्या. यात तुम्ही वेलदोड्याची पूडही घालू शकता.
• लाडूचे सारण झाल्यावर त्याचे मध्यम आकाराचे लाडू वळून घ्या. वरील मापानुसार 10 ते 12 लाडू तयार होतील.

अशा रीतीने तुमचे गुळपापडीचे पौष्टीक आणि स्वादिष्ट लाडू तयार होतील