फणसाचा वापर करून ‘या’ 3 गोष्टी बनवा; लोक बोटे चाटत राहतील

तुम्हालाही काहीतरी नवीन आणि मसालेदार खाण्याची इच्छा होत असेल तर तुम्ही फणसापासून हे पदार्थ बनवून खाऊ शकता. फणस स्वादिष्ट असण्यासोबतच आरोग्यासाठीही खूप फायदेशीर मानले जाते.

तुम्हालाही तेच तेच पदार्थ खाण्याचा कंटाळा आला असेल आणि काहीतरी नवीन आणि मसालेदार खायचे असेल तर ही माहिती तुमच्यासाठी आहे. आज आम्ही तुम्हाला अशाच एका रेसिपीबद्दल सांगणार आहोत, जी तुम्ही घरी तयार करू शकता. आज आम्ही तुम्हाला फणसापासून कोणते पदार्थ तुम्ही बनवू शकता हे सांगणार आहोत. चविष्ट असण्यासोबतच फणस हे आरोग्यासाठीही खूप फायदेशीर मानले जाते.

फणस एक भाजी फळ आहे. यामध्ये व्हिटॅमिन ए, सी, पोटॅशियम, कॅल्शियम, लोह, मॅग्नेशियमचे असे भरपूर गुणधर्म आढळतात. फणसाच्या सेवनाने रोग प्रतिकार शक्ती वाढण्यास मदत होते. यामुळे रक्तातील साखर नियंत्रीत राहण्यास मदत होते. तसेच हृदयविकाराचा धोकाही कमी होतो. तुम्ही याचे अनेक प्रकारे सेवन करू शकता. आज आम्ही तुम्हाला काही रेसिपी सांगणार आहोत ज्या तुम्ही घरच्या घरी फणसाच्या मदतीने तयार करू शकता.

फणसाचे लोणचे

• आपण फणसाचे लोणचे बनवू शकता. त्याचे लोणचे बनवण्याची पद्धत अगदी सोपी आहे.
• यासाठी, फणस धुवून त्याचे लहान तुकडे करा, नंतर एका पॅनमध्ये मोहरीचे तेल गरम करा, त्यात मेथी, मोहरी, काळे तीळ आणि थोडी बडीशेप घाला आणि ते थंड करा.
• आता त्यात तिखट, हळद, धनेपूड आणि गरम मसाला घालून मिक्स करा. हे मसाले चांगले भाजल्यावर त्यात फणसाचे काही तुकडे टाका आणि नंतर मीठ घालून चांगले मिक्स करा.
• मंद आचेवर 10 ते 15 मिनिटे शिजवा, नंतर त्यावर लिंबाचा रस घाला आणि स्वच्छ काचेच्या बरणीत भरा, तुम्ही हे लोणचे आठवडाभर ठेवू शकता.

फणसाचे चिप्स

• तुम्ही फणसापासून चिप्स देखील बनवू शकता. त्यासाठी, तुम्हाला फणस धुवून त्याचे पातळ काप करावे लागतील.
• आता कढईत तेल गरम ठेवावे. तेल गरम झाल्यावर त्यात फणसाचे काप टाका आणि गोल्डन झाल्यावर ताटात काढा.
• आता त्यावर मीठ आणि तिखट टाकून त्याचा आनंद घेऊ शकता.

फणसाची भाजी

• जर तुम्हाला फणसाची भाजी बनवायची असेल, तर कढईत तेल गरम करून त्यात मोहरी, जिरे आणि मेथी टाका. आता त्यात हिरवी मिरची, आले लसूण पेस्ट आणि कांदा घालून चांगले परतून घ्या.
• कांदा चांगला परतल्यावर त्यात हळद, तिखट, धने पावडर आणि गरम मसाला घालून मिक्स करा. आता त्यात फणसाचे बारीक तुकडे टाका, नंतर थोडे मीठ आणि पाणी घालून मिक्स करुन घ्या.
• आता फणस मंद आचेवर 10 ते 15 मिनिटे चांगले शिजू द्या. आता तुमची फणसाची भाजी तयार होईल.
  या तिन्ही रेसिपीज तुम्ही घरी तयार करू शकता. सर्वजण नक्कीच आवडीने खातील.