अंडी खाण्याबाबत असलेले गैरसमज आणि सत्य: जाणून घ्या काय खरे, काय खोटे?

अंड्याचा पिवळा बलक अपायकारक नाही. उलट व्हिटॅमिन्स, मिनरल्स आणि ओमेगा-3 फॅट्सने भरलेला असल्यामुळे मेंदू व डोळ्यांसाठी फायदेशीर ठरतो.

अंडे हे प्रोटीन, व्हिटॅमिन्स आणि आवश्यक पोषक तत्त्वांनी भरलेले सुपरफूड मानले जाते. शरीराला ऊर्जा देणे, स्नायू मजबूत ठेवणे आणि रोगप्रतिकारक शक्ती वाढवण्यामध्ये अंड्याची मोठी भूमिका आहे. तरीही, अंडी खाण्याबाबत अनेक गैरसमज समाजात पसरलेले आहेत. काहींना वाटते पिवळा बलक खाल्ला तर वजन वाढेल, तर काहीजण दोनपेक्षा जास्त अंडी खाणे आरोग्यासाठी हानिकारक आहे असा समज बाळगतात. चला, अंड्याबद्दलचे लोकप्रिय ‘मिथ’ आणि त्यामागचे खरे ‘फॅक्ट’ जाणून घेऊया.

फक्त अंड्याचा पांढरा भाग खावा; पिवळा बलक हानिकारक आहे

अनेकांना वाटते की अंड्याच्या पिवळ्या बलकात फॅट जास्त असल्यामुळे तो टाळावा. त्यामुळे अनेक फिटनेस फॉलोअर्स फक्त अंड्याचा पांढरा भाग खाण्यावर भर देतात.

फॅक्ट: हा समज पूर्णपणे चुकीचा आहे.

अंड्याच्या पिवळ्या बलकात व्हिटॅमिन A, D, E, K तसेच B12, कोलीन, ओमेगा-3 फॅट्स सारखी आवश्यक पोषकतत्त्वे असतात. बलकामुळे मेंदूची कार्यक्षमता सुधारते, डोळ्यांचे आरोग्य चांगले राहते आणि हार्मोनल संतुलन राखण्यास मदत होते. त्यामुळे अंड्याचा बलक खाणे शरीरासाठी अधिक फायदेशीर आहे.

ब्राउन अंडी पांढऱ्या अंड्यांपेक्षा जास्त पौष्टिक असतात

किंमतीत फरक असल्यामुळे किंवा रंग वेगळा असल्याने अनेक लोक ब्राउन अंडी अधिक हेल्दी मानतात.

फॅक्ट: पोषणमूल्यात काहीही फरक नाही.

ब्राउन आणि पांढरी अंडी दोन्हीही समान प्रोटीन, व्हिटॅमिन्स आणि मिनरल्सने समृद्ध असतात. अंड्याचा रंग हा फक्त कोंबडीच्या प्रजातीवर अवलंबून असतो. त्यामुळे कुठलेही अंडे निवडले तरी पोषणमूल्य तेच राहते.

गर्भाशयातच बाळ होईल बुद्धिमान… डॉक्तरांनी सांगितले ताकद आणि पोषकतत्वांनी भरलेले 4 सुपरफूड

अंडी कोलेस्ट्रॉल वाढवतात

काही लोक अंड्यातील कोलेस्ट्रॉल पाहून दररोज अंडी खाणे टाळतात.

फॅक्ट: अंडी रक्तातील खराब कोलेस्ट्रॉल (LDL) वाढवत नाहीत.

संशोधनानुसार, अंड्यामुळे शरीरातील चांगले कोलेस्ट्रॉल (HDL) वाढते. त्यामुळे हृदयाचे आरोग्य सुधारण्यासही मदत होते. अर्थात, ज्यांना गंभीर हृदयविकार किंवा डॉक्टरांनी विशेष आहार सांगितला आहे त्यांनी डॉक्टरांच्या सल्ल्यानुसारच अंडी खावीत.

दिवसाला दोनपेक्षा जास्त अंडी खाणे आरोग्यासाठी धोकादायक

जुना समज असा आहे की दोनपेक्षा अधिक अंडी खाल्ली तर हृदयविकार किंवा वजन वाढण्याचा धोका वाढतो.

फॅक्ट: हा समजही चुकीचा आहे.

दिवसाला तीन ते चार अंडी खाणे पूर्णपणे सुरक्षित आहे. ज्यांचा शारीरिक व्यायाम जास्त असतो, जिम करणारे किंवा खेळाडू तर दिवसाला 6–8 अंडीही खातात. अंडी उत्तम दर्जाचे प्रोटीन देतात आणि पोट जास्त वेळ भरलेले राहते, ज्यामुळे वजन नियंत्रित ठेवण्यासही मदत होते.

भृगुपुत्र शुक्राचार्यांना का म्हंटले जाते शंकराचे पुत्र! रंजक आहे इतिहास, जाणून घ्या

अंडी हे संपूर्ण पोषण देणारे सुपरफूड आहे. पिवळा बलक टाळणे, ब्राउन अंड्यांना अधिक हेल्दी मानणे किंवा दिवसाला दोनपेक्षा जास्त अंडी खाणे हानिकारक आहे. हे सर्व समज चुकीचे आहेत. योग्य प्रमाणात, संतुलित आहाराचा भाग म्हणून अंडी खाल्ल्यास ते आरोग्यासाठी अत्यंत फायदेशीर ठरतात.