Father’s Day 2025: आपल्या वडिलांसाठी काही खास करा, घरी बनवा सोपा आणि टेस्टी रवा केक

वडिलांच्या प्रेमासाठी एक खास गोड वळण – Happy Father's Day! या खास दिवशी आपल्या वडिलांसाठी घरीच तयार करा टेस्टी रवा केक. स्वतःच्या हाताने तयार केलेला हा केक तुमच्या वडिलांना आनंद देऊन जाईल.

१५ जून रोजी देशभारत फादर्स डे साजरा केला जाणार आहे. हा दिवस फक्त सर्व वडिलांना समर्पित असतो. आपले वडील आपल्या आनंदासाठी अनेक कष्ट घेत असतात. अनेकदा आईच्या मायेचे कौतुक होते पण कुटुंबाचा आधार असणाऱ्या वडिलांकडे मात्र दुर्लक्ष होते अशात हा दिवस आपल्याला आपल्या वडिलांचे आभार मानण्याची एक संधी उपलब्ध करून देतो. या दिवशी तुम्ही आपल्या वडिलांसाठी काही खास करू इच्छित असाल तर केक हा तुमच्यासाठी एक चांगला पर्याय ठरू शकतो.

Father’s Day 2025: फार कष्ट घेण्याची गरज नाही फक्त या गोष्टी करा आणि आपल्या वडिलांचा दिवस बनवा खास

कोणत्याही आनंदाच्या प्रसंगी केक कापण्याची प्रथा आहे अशात वडिलांच्या या खास दिनी त्यांच्यासाठी थोडी मेहनत घ्या आणि घरीच एक चवदार रवा केक तयार करा. तुम्ही त्यांच्यासाठी घेतलेली ही मेहनत निश्चितच त्यांना आनंद देऊन जाईल. शिवाय हा रवा केक बनवणे फार कठीणही नाही. अशात कमी मेहनत घेता तुम्ही घरीच एक टेस्टी केक तयार करू शकता आणि आपल्या वडिलांना आनंदी करू शकता. चला जाणून घेऊया यासाठी लागणारे साहित्य आणि कृती.

साहित्य

• बारीक रवा – 1 कप
• साखर – ¾ कप
• दुध – 1 कप (गरम)
• दही – ½ कप
• तेल / तूप – ¼ कप
• बेकिंग पावडर – 1 टीस्पून
• व्हॅनिला इसेन्स – ½ टीस्पून
• सुका मेवा (काजू, बदाम, पिस्ता) – आवडीनुसार
• चिमूटभर मीठ

Father’s Day 2025: फादर्स डे निमित्त वडिलांना द्या ‘हे’ सुंदर गिफ्ट्स, वडील होतील भावूक

कृती

• रवा केक तयार करण्यासाठी सर्वप्रथम एका भांड्यात रवा, साखर, दही आणि दूध मिक्स करून चांगलं फेटून घ्या.
• 10-15 मिनिटांसाठी झाकून ठेवा जेणेकरून रवा फुलतो.
• आता या मिश्रणात तेल, व्हॅनिला इसेन्स, चिमूटभर मीठ आणि बेकिंग पावडर घालून नीट मिसळा.
• केक साच्याला तेल लावून ग्रीस करा आणि त्यात थोडं मैदा भुरा शिंपडा. नंतर त्यात तयार मिश्रण ओता.
• एका जाड बुडाच्या भांड्यात मीठ घालून गरम करा (प्रिहीट सारखं), नंतर त्यावर स्टँड ठेवा आणि साच्याचा डबा
• त्यावर ठेवून झाकण लावा. मध्यम आचेवर 30-35 मिनिटं बेक करा.
• सुई किंवा टोथपिक घालून बघा – जर ते स्वच्छ बाहेर आलं, तर केक तयार आहे. थंड झाल्यावर साचा उलटा करून केक बाहेर काढा.
• वरून सुका मेवा, थोडं पिठीसाखर, किंवा चॉकलेट सिरप घालून सजवा.
• तयार केकचे नीट स्लाइस करा आणि आपल्या वडिलांना हा गोडसर केक सर्व्ह करा
• केकमध्ये केशर किंवा केळीचा फ्लेवर देखील घालता येतो.
• हा केक अगदी टिफिनसाठी किंवा चहा बरोबर खाण्यासाठी योग्य आहे.