खराब कोलेस्ट्रॉलची पातळी वाढल्यानंतर शरीराच्या ‘या’ अवयवांमध्ये वाढू लागतात वेदना, हार्ट अटॅकने होईल मृत्यू

शरोरात वाढलेले खराब कोलेस्ट्रॉल आरोग्यासाठी अतिशय घातक आहे. यामुळे शरीराच्या इतर भागांमध्ये सुद्धा वेदना होऊ लागतात. या वेदना वाढू लागल्यानंतर अनेक लोक दुर्लक्ष करतात. असे न करता आरोग्याची काळजी घ्यावी.

चुकीची जीवनशैली, जंक फूडचे सेवन, व्यायामाची कमतरता, शारीरिक हालचालींचा अभाव, हार्मोन्सचे असंतुलन इत्यादी अनेक गोष्टींचा परिणाम आरोग्यावर लगेच दिसून येतो. काहीवेळा शरीरात दिसून येणाऱ्या बदलांकडे अनेक लोक दुर्लक्ष करतात. मात्र वारंवार शरीरात दिसून येणाऱ्या लक्षणांकडे दुर्लक्ष केल्यामुळे आरोग्यासंबंधित गंभीर समस्या उद्भवू लागतात, तेलकट तिखट पदार्थांच्या अतिसेवनामुळे शरीरात कोलेस्ट्रॉलची पातळी वाढण्याची शक्यता असते. शरीरात वाढलेले खराब कोलेस्ट्रॉल आरोग्यासाठी अतिशय घातक आहे. कोलेस्ट्रॉलची पातळी वाढल्यानंतर सुरुवातीच्या दिवसांमध्ये शरीरात अतिशय सामान्य लक्षणे दिसू लागतात.(फोटो सौजन्य – iStock)

आतड्यांमध्ये साचून राहिलेले विषारी घाण क्षणार्धात होईल स्वच्छ! दह्यामध्ये मिक्स करा ‘हा’ आयुर्वेदिक पदार्थ

शरीरात दोन प्रकारचे कोलेस्ट्रॉल आढळून येतात. चांगले कोलेस्ट्रॉल आणि खराब कोलेस्ट्रॉल. चांगले कोलेस्ट्रॉल शरीरात निरोगी पेशी तयार करतात, तर वाईट कोलेस्ट्रॉल शरीरात पिवळ्या रंगाचा चिकट थर तयार करून रक्तवाहिन्या ब्लॉक करतात. पिवळ्या रंगाच्या चिकट थरामुळे हृद्यासह संपूर्ण शरीराच्या रक्तवाहिन्या ब्लॉक होऊन जातात. यामुळे हार्ट अटॅक, स्टोक किंवा पक्षाघाताची समस्या उद्भवण्याची शक्यता असते. शरीरात कोलेस्ट्रॉल वाढल्यानंतर शरीराच्या वेगवेगळ्या अवयवांमध्ये वेदना होऊ लागतात.

कोलेस्ट्रॉल वाढल्यानंतर शरीराच्या ‘या’ अवयवांमध्ये होतात वेदना:

छातीमध्ये सतत जळजळ होणे:

कोलेस्ट्रॉल वाढल्यानंतर छातीमध्ये सतत जळजळ होऊ लागते. छातीमध्ये वाढलेली जळजळ अनेक लोक सामान्य समजतात. मात्र वारंवार ही समस्या उद्भवत असेल तर डॉक्टरांच्या सल्ल्याने औषध उपचार करावे. शरीराच्या रक्तप्रवाहावर परिणाम झाल्यानंतर छातीत दुखणे, दडपण जाणवणे किंवा जळजळ होणे इत्यादी अनेक समस्या उद्भवू लागतात. कोलेस्ट्रॉल वाढल्यानंतर रक्तवाहिन्यांमध्ये चरबी जमा होण्यास सुरुवात होते.

मान किंवा खांद्यामध्ये वेदना होणे:

शरीरात कोलेस्ट्रॉलची पातळी वाढल्यानंतर शरीराच्या रक्तवाहिन्या अरुंद होतात, ज्यामुळे रक्तप्रवाहामध्ये अनेक अडचणी निर्माण होण्याची शक्यता असते. यामुळे मान आणि खांद्यांमध्ये वेदना होऊ लागतात. मानेमध्ये जडपणा जाणवणे किंवा खांद्यांमध्ये वेदना होऊ शकते. शरीराच्या या भागांना रक्तपुरवठा व्यवस्थित न झाल्यामुळे खांदा आणि मानेमध्ये वेदना होण्यास सुरुवात होते.

स्तनांचा कर्करोग झाल्यानंतर शरीरात दिसून येतात ‘ही’ गंभीर लक्षणे, दुर्लक्ष केल्यास आरोग्यास निर्माण होईल धोका

पायांच्या टाचांमध्ये वेदना होणे:

कोलेस्ट्रॉल वाढल्यानंतर पायांची आणि हातांची नख पिवळी दिसू लागतात. याशिवाय हटप्यांमध्ये वेदना वाढून अनेक समस्या उद्भवतात. कोलेस्टरॉलमुळे वाढलेला चिकट थर पायांच्या रक्तवाहिन्यांमध्ये जमा होऊ लागल्यानंतर शरीराच्या रक्तभिसरणात अनेक अडथळे निर्माण होतात. या अडथळ्यांमुळे पायांना व्यवस्थित रक्तपूरवठा होत नाही. पायांच्या टाचा आणि बोटांमध्ये वेदना वाढतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.