नासलेल्या दुधापासून घरी बनवा चविष्ट आणि लज्जतदार रसगुल्ले, वाचा सोपी रेसिपी

सणसमारंभात गोडाचे पदार्थ बनवलेले जातात. पण तेच तेच गोड पदार्थ खाऊन तुम्हाला कंटाळा आला असेल तर घरच्या घरी सोप्या पद्धतीमध्ये चविष्ट रसगुल्ले नक्की बनवून पाहा.

दुधाचा वापर करून अनेक मिठाईचे पदार्थ बनवले जातात. हे पदार्थ चवीला अगदी गोड असल्याने लहान मुलांपासून मोठ्यापर्यंत सगळ्यांचं आवडतात. सण समारंभाच्या दिवशी घरी गोडाचे पदार्थ बनवले जातात. त्यामध्ये खीर, शिरा, गुलाबजाम इत्यादी पदार्थ बनवले जातात. जेवल्यानंतर अनेकांना काहींना काही गोड खाण्याची इच्छा होते. अशावेळी तुम्ही रसगुल्ले खाऊ शकते. चवीला गोड असलेले रसगुल्ले सगळ्यांना आवडतात. आज आम्ही तुम्हाला नासलेल्या दुधापासून चविष्ट आणि लज्जतदार रसगुल्ले कसे तयार करायचे याची सोपी रेसिपी सांगणार आहोत. चला तर जाणून घेऊया.(फोटो सौजन्य: istock)

साहित्य:

• दूध
• लिंबाचा रस
• साखर
• मैदा
• गुलाब पाणी
• वेलची पावडर

कृती:

• रसगुल्ले बनवण्यासाठी २ लीटर दूध घेऊन गरम करून घ्या. दूध गरम झाल्यानंतर त्यात लिंबू पिळून दूध नसवा.
• दुधाच्या गुठळ्या तयार झाल्यानंतर त्यात पाणी तसेच राहील.
• गॅस बंद करून त्यातील पाणी वेगळे करून घ्या.दुधाचे मिश्रण घेऊन त्यातील सर्व पाणी काढून घ्या.
• एका मोठ्या ताटात दुधाचे मिश्रण घेऊन त्यात आवश्यकतेनुसार मैदा टाकून व्यवस्थित पीठ मळून घ्या. पीठ मळून झाल्यानंतर त्याचे तुम्हाला हवे त्या आकाराचे गोळे करून घ्या.
• गॅसवर साखरेचा पाक तयार करण्यासाठी ठेवा. यासाठी कढई घेऊन त्यामध्ये एक ते दीड ग्लास पाणी टाकून त्यात साखर टाका.
• साखर पूर्णपणे उकळल्यानंतर त्यात वेलची पावडर आणि गुलाब पाणी टाकून साखरेचा पाक तयार करा.
• तयार केलेल्या पाकात दुधापासून बनवलेले रसगुल्ले टाकून व्यवस्थित शिजवून घ्या. रसगुल्ले शिजल्यानंतर त्याचा आकार मोठा होईल.
• रसगुल्ले व्यवस्थित फुगल्यानंतर गॅस बंद करून तुम्ही ते सर्व्ह करू शकता.