Raksha Bandhan 2025 : स्वीट डिशने वाढवा सणाचा गोडवा! घरी बनवा सर्वांच्या आवडीचा मऊ अन् रसाळ रसगुल्ला

नात्यांचा गोडवा वाढवायचा म्हटला की त्याला गोड पदार्थाची साथ ही हवीच! रक्षाबंधनाचा पारंपरिक सण आता अवघ्या काही दिवसांवर आला आहे अशात घरी गोड आणि सर्वांच्या आवडीचे रसगुल्ले बनवायला विसरू नका.

रसगुल्ला ही एक भारताची एक पारंपरिक मिठाई आहे जी सर्वांनाच खायला फार आवडते. ही डिश बंगालची पारंपरिक डिश आणि लोकप्रिय डिश आहे. हा एक गोडाचा पदार्थ असून अनेक गोड आणि खास प्रसंगी घरी रसगुल्ले विकत आणले जातात. अशात आता अवघ्या काही दिवसांवरच रक्षाबंधनाचा सण आला आहे. या सणानिमित्त काही गोड म्हणून तुम्ही घरीच रसाळ आणि सर्वांना आवडतील असे मऊ रसगुल्ले घरीच तयार करू शकता.

कार्टून कॅरेक्टर डोरेमॉनच्या आवडीचा Dora Cake घरी कसा बनवायचा? लहान मुलं होतील खुश; त्वरित नोट करा रेसिपी

रसगुल्ला हा मोजक्या साहित्यापासून तयार केला जातो. शिवाय हा पदार्थ फार कमी वेळेत बनून तयारही होतो. फक्त परफेक्ट स्टेप्स फॉलो करून काळजीपूर्वक तुम्हाला हा पदार्थ बनवायचा आहे. एकदा का तुम्ही हा पदार्थ घरी बनवला की मग पाहाच घरातील सर्व सदस्य कसे या पदार्थावर तुटून पडतील..! चला तर मग घरच्या घरी अगदी सोप्या पद्धतीने रसगुल्ले कसे तयार करायचे ते जाणून घेऊया. नोट करून घेऊयात यासाठी लागणारे साहित्य आणि कृती.

साहित्य:

• दूध – १ लिटर
• लिंबाचा रस किंवा व्हिनेगर – २ टेबलस्पून (पाण्यात मिसळून)
• साखर – २ कप
• पाणी – ४ कप
• वेलची पूड – ½ टीस्पून

श्रावण महिन्यातील उपवासाला सकाळच्या नाश्त्यात बनवा कुरकुरीत मेदू वडे, दह्याच्या चटणीसोबत लागतील सुंदर

कृती:

• यासाठी सर्वप्रथम दूध उकळून घ्या. उकळल्यानंतर गॅस मंद करून त्यात लिंबाचा रस किंवा व्हिनेगर घालून हळूच ढवळा.
• दूध फाटल्यावर पांढरे छान पनीर वेगळे होईल.
• पनीर स्वच्छ कपड्यात गाळा आणि थंड पाण्याने धुवा, जेणेकरून लिंबाचा आंबटपणा निघून जाईल.
• पनीर कपड्यात बांधून ३० मिनिटे पाणी निथळू द्या. नंतर सपाट पाटावर किंवा प्लेटवर पनीर मऊसर होईपर्यंत
• मळा, जेणेकरून गोळे गुळगुळीत बनतील.
• मळलेल्या पनीराचे समान आकाराचे छोटे गुळगुळीत गोळे बनवा.
• एका भांड्यात पाणी आणि साखर घेऊन उकळा. साखर विरघळली की वेलची पूड घाला.
• पाक उकळत असताना त्यात पनीराचे गोळे सोडा. झाकण लावून मध्यम आचेवर १५ मिनिटे शिजवा. शिजताना गोळे फुगतील.
• रसगुल्ले पाकातच थंड होऊ द्या. थंडगार झाल्यावर सर्व्ह करा.
• दूध फाटवताना लिंबाचा रस कमी-जास्त करून तुम्ही पनीरची मऊसरता सांभाळू शकता.
• रसगुल्ले शिजवताना गॅस मध्यम आचेवर ठेवा, जेणेकरून ते छान फुगतील व मऊ राहतील.

FAQs (संबंधित प्रश्न)

रसगुल्ला म्हणजे काय?
रसगुल्ला ही एक पारंपारिक बंगाली गोड आहे जी छेना पासून बनवली जाते आणि साखरेच्या पाकात भिजवली जाते.

रसगुल्ला किती दिवस साठवून ठेवला जाऊ शकतो?
रसगुल्ला रेफ्रिजरेटरमध्ये ३-४ दिवस साठवून ठेवला जाऊ शकतो