नागपंचमीला बनवा खास कोकणी हळदीच्या पानातील पातोळ्या, रेसिपी आहे सोपी

नागपंचमीच्या दिवशी नागाची पूजा करून गोडाच्या पदार्थांचा नैवेद्य दाखवला जातो. यादिवशी गव्हाची खीर आणि चण्याची डाळ, गूळ या पदार्थांचा वापर करून बनवलेले पुरणाचे दिंडे, हळदीच्या पानांमधील पातोळ्या हे पदार्थ बनवले जातात. कोकणात बनवले जाणारे पदार्थ नेहमीच खास असतात. नागपंचमीला कोकणात खास हळदीच्या पानातील पातोळ्या बनवल्या जातात. हळदीच्या पानाचा वापर करून बनवलेल्या पातोळ्या चवीला सुद्धा खूप सुंदर लागतात.

नुकताच श्रावण महिना सुरु झाला आहे.श्रावण महिना सुरु झाल्यानंतर सणांची सुरुवात होते. श्रावणात येणारा पहिला सण म्हणजे नागपंचमी. प्रत्येक मुलीला माहेरची आठवण करून देणारा हा नागपंचमी सण. नागपंचमीच्या दिवशी नागाची पूजा करून गोडाच्या पदार्थांचा नैवेद्य दाखवला जातो. यादिवशी गव्हाची खीर आणि चण्याची डाळ, गूळ या पदार्थांचा वापर करून बनवलेले पुरणाचे दिंडे, हळदीच्या पानांमधील पातोळ्या हे पदार्थ बनवले जातात. कोकणात बनवले जाणारे पदार्थ नेहमीच खास असतात.

नागपंचमीच्या दिवशी कोकणात पारंपरिक खाद्य पदार्थ बनवण्याची संस्कृती आहे. नागपंचमीला कोकणात खास हळदीच्या पानातील पातोळ्या बनवल्या जातात. हळदीच्या पानाचा वापर करून बनवलेल्या पातोळ्या चवीला सुद्धा खूप सुंदर लागतात. श्रावण महिन्यात पानाफुलांना पालवी फुटते. त्यामुळे सगळीकडे पसणारा हळदीच्या पानाचा सुगंध सगळ्यांचं आवडतो. त्यामुळे यंदाच्या नागपंचमीला कोकणात बनवल्या जाणाऱ्या हळदीच्या पातोळ्या नक्की बनवून पहा. वाचा सोपी रेसिपी.(फोटो सौजन्य-instagram)

साहित्य:

• तांदळाचे पीठ
• ओलं खोबर
• गूळ
• हळदीची पान
• वेलची पावडर
• मीठ
• तूप
• पाणी

हे देखील वाचा: सकाळच्या नाश्त्यासाठी सोप्या पद्धतीमध्ये बनवा टेस्टी गार्लिक ब्रेड

See more

कृती:

• हळदीच्या पानांच्या पातोळ्या बनवण्यासाठी सर्वप्रथम ओलं खोबर किसून घ्या.
• कढई गरम झाल्यानंतर त्यात तूप टाकून खोबर टाका. मंद आचेवर खोबर व्यवस्थित भाजून झाल्यानंतर त्यात गूळ टाकून सतत मिक्स करत राहा.
• गूळ पूर्णपणे वितळल्यानंतर त्यात वेलची पावडर टाकून गॅस बंद करून घ्या.
• तांदळाच्या पिठाची उकड बनवण्यासाठी एका टोपात दीड ग्लास पाणी गरम करण्यासाठी ठेवा. पाण्याला उकळी आल्यानंतर त्यात मीठ टाकून नंतर तांदळाचे पीठ टाकून मिक्स करून घ्या.
• पिठाला एक वाफ आल्यानंतर गॅस बंद करून घ्या. पीठ थंड झाल्यानंतर ताटात काढून व्यवथित मळून घ्या.
• हळदीची पाने स्वच्छ धुवून पुसून घ्या. त्यानंतर तांदळाची उकड हळदीच्या पानांवर पसरवून तयार केलेला खोबऱ्याचा किस टाकून हळदीची पान दुमडून घ्या.
• अशा पद्धतीने पातोळ्या बनवून झाल्यानंतर चाळणीमध्ये ठेवा.
• टोपात ठेवलेले पाणी गरम झाल्यानंतर त्याच्यावर चाळणी ठेवून 15 ते 20 मिनिटं वाफवण्यासाठी ठेवा.