Shardiya Navratri 2025: नवरात्रीच्या उपवासासाठी बनवा ‘ही’ स्मूदी, तुमच्या शरीरातील वाढेल ऊर्जा

नवरात्रीची सुरुवात आज 22 सप्टेंबरपासून होत आहे. यावेळी काही लोक 9 दिवस उपवास करुन फक्त फळे खातात. तुम्ही या फळापासून स्मृदी बनवू शकता त्यामुळे तुमच्या शरीराची ऊर्जा टिकवून राहण्यास मदत होते.

आज सोमवार,  22 सप्टेंबरपासून नवरात्रीची सुरुवात झाली आहे. या काळात देवीच्या 9 रुपांची पूजा केली जाते. यावेळी भक्त उपवास करतात. याचा संबंध धार्मिक श्रद्धेशी जोडलेला आहे. त्यामुळे शरीराला अनेक फायदे होतात. या काळात फळांचा आहार घेतला जातो. ज्यामध्ये काजू, बिया, फळे, बटाटे, पाण्यातील चेस्टनट किंवा बकव्हीट पीठ यांचा समावेश असतो. हे शरीराला डिटॉक्सिफाय करण्यास आणि चयापचय सुधारण्यास देखील मदत करते. नऊ दिवस उपवास करणे सोपे नाही. काही लोकांना अशक्तपणा जाणवू शकतो. थकवा आणि अशक्तपणा टाळण्यासाठी काही गोष्टींची काळजी घेणे गरजेचे आहे. शरीर हायड्रेट ठेवण्यासाठी पाणी प्या आणि तुम्ही ज्यूस बनवू शकता किंवा स्मूदी देखील पिऊ शकता. विशेषतः जर तुम्हाला फळे खायला आवडत नसल्यास तुमच्यासाठी हा एक चांगला पर्याय आहे.

केळी आणि नट्स स्मूदी

ही स्मूदी बनवण्यासाठी बदाम आणि काजू कमीत कमी 1 ते 2 तास किंवा रात्रभर पाण्यात भिजत ठेवा. त्यानंतर मिक्सरमध्ये चिरलेली केळी, भिजवलेले बदाम आणि काजू, आवश्यकतेनुसार दूध आणि गोडपणासाठी मध किंवा खजूर घाला. तुम्हाला हवे असल्यास साखर देखील तुम्ही घालू शकता. पेस्ट गुळगुळीत आणि क्रिमी होईपर्यंत सर्व साहित्य 1 ते 2 मिनिटे मिसळा. ते एका ग्लासमध्ये ओता. त्यावर बारीक चिरलेले किंवा किसलेले बदाम आणि काजू घालून सर्व्ह करा. केळीमध्ये पोटॅशियम, फायबर आणि प्रथिने असतात. ते शरीराला ऊर्जा प्रदान करण्यास मदत करतात.

नवरात्री उत्सवात देवीच्या नैवेद्यासाठी १० मिनिटांमध्ये बनवा राजगिऱ्याचा हलवा, नोट करून घ्या रेसिपी

चिकू आणि केळी स्मूदी

ही स्मूदी तयार करण्यासाठी चिकू आणि केळी सोलून घ्या. त्यांचे लहान तुकडे करा. त्यानंतर त्यामध्ये दूध, मध किंवा खजूरांसह ते बारीक करुन घ्या नंतर त्याची पेस्ट गुळगुळीत आणि घट्ट होईपर्यंत मिसळा. एका ग्लासमध्ये हे मिश्रण घ्या आणि ही स्मूदी सुक्या मेव्याने सजवा.

काकडीपासून बनवा स्मूदी

काकडी शरीराला हायड्रेटेड ठेवण्यास मदत करते. यासाठी काकडी बारीक चिरून घ्या. कोथिंबीरची पाने ग्राइंडरमध्ये घाला आणि गुळगुळीत होईपर्यंत बारीक करा. नंतर चवीनुसार त्यामध्ये मीठ, काळी मिरी पावडर घालून घ्या त्यानंतर तुमची स्मूदी तयार आहे.

नवरात्रीच्या उपवासाला हलका नाश्ता हवा असेल तर सोप्या पद्धतीमध्ये बनवा साबुदाण्याची तिखट खीर

सफरचंद, केळी आणि ड्रायफ्रूट स्मूदी

सफरचंद, केळी आणि सुकामेवा हे सर्व आरोग्यासाठी खूप फायदेशीर आहेत आणि ऊर्जा प्रदान करण्यास मदत करतात. तुम्ही हे सर्व एकत्र करून स्मूदी बनवू शकता. केळी आणि सफरचंद सोलून त्यांचे लहान तुकडे करा. त्यानंतर त्यामध्ये दूध आणि भिजवलेल्या सुक्या मेव्यांसोबत घाला. तुमची चविष्ट आणि निरोगी स्मूदी तयार आहे.

पपई स्मूदी

पपई आरोग्यासाठी खूप फायदेशीर आहे. त्यापासून बनवलेली स्मृदी आरोग्यासाठी खूप फायदेशीर असते. ती तयार करण्यासाठी पपई सर्वांत पहिले स्वच्छ धुवून घ्या आणि त्याचे लहान तुकडे करुन घ्या. नंतर त्यामध्ये दूध आणि भिजवलेल्या काजूसह बारीक करा. तुम्ही यामध्ये केळी, सफरचंद देखील घालू शकता. त्यानंतर तयार आहे तुमची स्वादिष्ट स्मूदी.