महिलांमध्ये हृदय धक्क्यापूर्वी शरीर देतं काही संकेत; वेळीच ओळखाल तर नुकसान टाळलं

महिलांमध्ये हृदय विकार पुरुषांच्या तुलनेत कमी असतो पण होण्या अगोदर शरीर काही ना काही संकेत देतं असतो. ही संकेत जाणून घ्या होणाऱ्या हानीला वेळीच टाळा.

हार्ट अटॅकचा धोका केवळ पुरुषांपुरताच मर्यादित नसून, महिलांमध्येही तो गंभीर स्वरूपात दिसून येतो. अनेक वेळा महिला हार्ट अटॅकचे प्राथमिक लक्षणे ओळखण्यात अपयशी ठरतात, कारण त्यांचे लक्षणे पुरुषांपेक्षा वेगळी आणि अधूनमधून येणारी असतात. नाचताना किंवा व्यायाम करताना अचानक मृत्यू होणे ही अचानक घडलेली घटना वाटली तरी तिच्यामागे हृदयविकाराचा झटका (Heart Attack) हीच मुख्य कारणीभूत ठरते. पण हे सर्व काही अचानक होत नाही. हार्ट अटॅक येण्यापूर्वी शरीर अनेक प्रकारे संकेत देत असते, विशेषतः महिलांमध्ये हे लक्षणे काही आठवड्यांपूर्वीच दिसायला लागतात.

सकाळच्या नाश्त्यात हे ‘३’ पदार्थ जरूर खा; शरीरात दिवसभर एनर्जी राहील आणि अशक्तपणा होईल दूर

महिलांमध्ये हार्ट अटॅक दरम्यान छातीत ठळक वेदना जाणवण्याची शक्यता कमी असते. याऐवजी त्यांना छातीत जडपणा, जकडण किंवा दबाव जाणवू शकतो. काही वेळेस हे लक्षण अपचन किंवा आम्लपित्तासारखं वाटू शकतं. याशिवाय, विशेष कारण नसतानाही अति थकवा जाणवणे हा महत्त्वाचा इशारा आहे. जेव्हा चालताना, घरकाम करताना किंवा किरकोळ श्रम करताना देखील जास्त थकवा वाटू लागतो, तेव्हा हृदयावर ताण येत असल्याचं सूचित होऊ शकतं.

सांस घेण्यात अडथळा येणे, विशेषतः अचानक आणि विश्रांतीच्या अवस्थेत देखील, हे फुफ्फुसांपेक्षा जास्त वेळा हृदयाच्या समस्यांचे लक्षण असू शकते. काही महिलांना उलटी, मळमळ, पोट फुगणे अशी लक्षणेही भासू शकतात, जी सामान्यपणे फूड पॉइजनिंग समजून दुर्लक्षित केली जातात. मात्र यामागे हार्ट अटॅकचा संकेत दडलेला असू शकतो.

सर्दी खोकल्यापासून आराम मिळविण्यासाठी या गोष्टींचा करा वापर

छातीत दुखण्याऐवजी महिलांना खांदा, मान, जबडं, पाठीचा वरचा भाग किंवा हातांमध्ये वेदना जाणवतात. या ठिकाणी होणारा वेदनाही हृदयविकाराचा संकेत असतो. काही महिला हार्ट अटॅक येण्याच्या आधी एक प्रकारचा गोंधळ, भीती किंवा ‘काहीतरी चुकीचं होणार’ याची पूर्वकल्पना घेऊन अस्वस्थ होतात. याशिवाय, थंड घाम येणं हे सुद्धा एक महत्त्वाचं लक्षण आहे. थंड हवामानात किंवा कोणताही श्रम न करता अंगावर घाम येणे, विशेषतः थंड घाम, हा लक्षणांमधला एक गंभीर इशारा मानला जातो. या सर्व लक्षणांकडे दुर्लक्ष न करता वेळेवर वैद्यकीय सल्ला घेणे हेच आपल्या आणि आपल्या प्रियजनांच्या आरोग्यासाठी महत्त्वाचे आहे.