Sperm Count: पुरुषांसाठी धोकादायक ठरतेय अल्ट्रा-प्रोसेस्ड फूड, धाडकन कमी होतात शुक्राणू; अभ्यासात धक्कादायक खुलासा

जास्त अल्ट्राप्रोसेस्ड फूड हे आपल्या आरोग्याला पोखरत असून विषासारखे काम करत आहे. एका अभ्यासात खुलासा करण्यात आल्याप्रमाणे पुरुषांची प्रजनन क्षमता यामुळे खराब होत आहे, जाणून घ्या अधिक माहिती

• अति प्रक्रिया केलेले अन्न आरोग्यासाठी हानिकारक आहे
• ते खाल्ल्याने अनेक आरोग्य समस्या उद्भवू शकतात
• याचा पुरुषांच्या प्रजनन क्षमतेवरही वाईट परिणाम होतो

आपल्या सर्वांना लहानपणापासूनच सांगितले गेले आहे की निरोगी राहण्यासाठी निरोगी आहार खूप महत्वाचा आहे. परंतु आजच्या धावपळीच्या जीवनात लोक अल्ट्रा-प्रोसेस्ड अन्नाला जास्त महत्त्व देत आहेत. जरी हे कमी वेळात तयार केले जातात आणि चवीला चविष्ट असले तरी ते आपल्या आरोग्याला गंभीर नुकसान करतात.

आता एका नवीन अभ्यासातून असेही समोर आले आहे की ते पुरुषांच्या लैंगिक आरोग्यासाठी देखील हानिकारक असू शकते. अभ्यासात असे म्हटले आहे की तुम्ही जे खाता त्याचा तुमच्या लैंगिक आरोग्यावर खोलवर परिणाम होतो. हा अभ्यास जर्नल सेल मेटाबोलिझममध्ये प्रकाशित झाला आहे. अभ्यासानुसार, जास्त अल्ट्रा-प्रोसेस्ड अन्न खाल्ल्याने पुरुषांच्या प्रजनन क्षमतेवर आणि चयापचय आरोग्यावर परिणाम होऊ शकतो.

पुरुषांमधील Sperm Count होतोय कमी, जीवनशैलीतील बदलांचा शुक्राणूंच्या आरोग्यावर नकारात्मक परिणाम

43 निरोगी पुरुषांवर केलेले सर्वेक्षण

याबाबत सर्व्हेक्षण करण्यात आले आणि ज्या पुरुषांनी त्यांचे वय, वजन, उंची आणि करण्यात येणारे कार्य याच्या पातळीनुसार अल्ट्रा-प्रोसेस्ड अन्न खाल्ले, त्यांचे वजन आणि शरीरातील चरबी निरोगी अन्न खाणाऱ्यांपेक्षा जास्त वाढली. त्यांच्या चयापचय दरावरही परिणाम झाला. या अभ्यासासाठी २० ते ३५ वर्षे वयोगटातील ४३ निरोगी पुरुषांचा समावेश करण्यात आला.

पुरुषांच्या प्रजनन क्षमतेवर प्रतिकूल परिणाम झाला

त्यांना दोन गटांमध्ये विभागण्यात आले. एका गटाला तीन आठवडे जास्त अल्ट्रा-प्रोसेस्ड अन्न आणि तीन आठवडे अप्रोसेस्ड अन्न देण्यात आले. त्याच वेळी, दुसऱ्या गटाला आवश्यकतेपेक्षा 500 कॅलरीज जास्त उच्च-कॅलरीज अन्न खाण्यास सांगण्यात आले. यातून एक धक्कादायक गोष्ट उघड झाली. या दरम्यान, असे दिसून आले की अल्ट्रा-प्रोसेस्ड अन्नाचा पुरुषांच्या प्रजनन क्षमतेवर परिणाम होतो.

Sperms Count कमी होण्याची शक्यता जास्त 

अभ्यासात असेही आढळून आले की जास्त अल्ट्रा-प्रोसेस्ड अन्न खाल्ल्याने पुरुषांमध्ये शुक्राणूंची संख्या कमी होऊ शकते. याचा त्यांच्या प्रजनन क्षमतेवरही परिणाम होतो. दुसरीकडे, उच्च-कॅलरी, अल्ट्रा-प्रोसेस्ड आहार घेणाऱ्या पुरुषांमध्ये फॉलिकल-स्टिम्युलेटिंग हार्मोन (FSH) कमी असल्याचे आढळून आले, जे शुक्राणूंच्या निर्मितीसाठी खूप महत्वाचे आहे.

बाळाला जन्म देण्यासाठी पुरुषांचा Sperm Count किती पाहिजे, कशी करावी तपासणी

याचा लैंगिक संबंधांवरही परिणाम 

याशिवाय, या पुरुषांमध्ये शुक्राणूंची गतिशीलतादेखील कमी झाली. असे मानले जाते की याचे कारण cxMINP हे एक रासायनिक घटक असू शकते. हे अंतःस्रावी व्यत्यय आणणारे घटक हार्मोनच्या पातळीत मोठे बदल घडवून आणू शकतात. यामुळे, अल्ट्रा-प्रोसेस्ड अन्न केवळ वजन वाढवतेच असे नाही तर लैंगिक संप्रेरकांवरही वाईट परिणाम करते. यामुळे वेळीच पुरुषांनी अल्ट्रा-प्रोसेस्ड फूड खाणे कमी करावे अन्यथा वंध्यत्वाची समस्या उद्भवू शकते. 

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.