वाटीभर सीताफळाचा गर वापरून १० मिनिटांमध्ये सोप्या पद्धतीत बनवा सीताफळ क्रीम

सीताफळ खाल्ल्यामुळे तोंडाची बिघडलेली चवही सुधारते. सीताफळमध्ये भरपूर प्रमाणात कॅल्शियम आणि विटामिन आढळून येते. ज्याचा आरोग्यासह त्वचेलासुद्धा खूप फायदा होतो. सीताफळ हे फळ वर्षातून एकदाच बाजारात येते. या फळाला बाजारात मोठी मागणी आहे. सीताफळ घरी आणल्यानंतर लगेच खालला जातो, कारण हे फळ जास्त दिवस टिकत नाही.

नैसर्गिक गोडवा असलेले सीताफळ लहान मुलांपासून मोठ्यांपर्यंत सगळ्यांचं आवडते. सीताफळ चवीला अतिशय गोड असतात. हल्ली बाजारतसुद्धा मोठ्या प्रमाणावर सीताफळ उपलब्ध झाले आहेत. सीताफळ खाल्ल्यामुळे तोंडाची बिघडलेली चवही सुधारते. सीताफळमध्ये भरपूर प्रमाणात कॅल्शियम आणि विटामिन आढळून येते. ज्याचा आरोग्यासह त्वचेलासुद्धा खूप फायदा होतो. सीताफळ हे फळ वर्षातून एकदाच बाजारात येते. या फळाला बाजारात मोठी मागणी आहे. सीताफळ घरी आणल्यानंतर लगेच खालला जातो, कारण हे फळ जास्त दिवस टिकत नाही. त्यामुळे आज आम्ही तुम्हाला वाटीभर सीताफळाच्या गरापासून क्रीम कशी बनवायची याची सोपी रेसिपी सांगणार आहोत. हा पदार्थ बनवण्यासाठी सोपा असून कमीत कमी वेळात तुम्ही घरी आलेल्या पाहुण्यांसाठी तुम्ही सीताफळ क्रीम बनवू शकता. चला तर जाणून घेऊया सीताफळ क्रीम बनवण्याची सोपी रेसिपी.(फोटो सौजन्य-istock)

साहित्य:

• सीताफळाचा गर
• फ्रेश क्रिम
• व्हॅनिला इसेंन्स
• बर्फाचे खडे
• कंडेंन्स मिल्क
• पाणी
• सजावटीसाठी काजू बदामाचे तुकडे

हे देखील वाचा: १५ मिनिटांमध्ये झटपट बनवा पौष्टीक मुरमुऱ्यांचे मेदुवडे, वाचा सोपी रेसिपी

कृती:

• सीताफळ क्रीम बनवण्यासाठी सर्वप्रथम सीताफळ घेऊन त्यातील गर काढून घ्या. त्यानंतर गाळणीमध्ये सीताफळ घेऊन त्यात थोडेसे पाणी टाकून पातळ सीताफळाचा गर काढा.
• गर काढून झाल्यानंतर काहीवेळ फ्रिजमध्ये ठेवा.
• मोठ्या वाटीमध्ये बर्फाचे खड्डे घ्या. तर दुसऱ्या वाटीमध्ये फ्रेश क्रीम घेऊन ती वाटी बर्फाच्या खड्यांच्या वाटीमध्ये ठेवा.
• त्यानंतर त्यात व्हॅनिला इसेंन्सचे 2 ते 3 थेंब टाकून ब्लेंडरच्या मदतीने व्यवस्थित मिश्रण तयार करा. क्रीममध्ये गुठळ्या ठेवू नये.
• मिश्रण घट्ट झाल्यानंतर त्यात कंडेंन्स मिल्क आणि सीताफळांचा पल्प घालून सर्व मिश्रण व्यवस्थित मिक्स करा.
• सगळ्यात शेवटी तयार क्रीममध्ये सीताफळ टाकून मिक्स करून घ्या. तयार आहे सोप्या पद्धतीमध्ये बनवलेली सीताफळ क्रीम .
• सजावटीसाठी वरून काजू बदामाचे तुकडे टाकून मिक्स करा.