बदलत्या ऋतूंमध्ये निरोगी राहण्यासाठी सकाळी प्या ‘या’ औषधी वनस्पतींचा काढा

पावसाळ्याच्या दिवसांमध्ये आरोग्यासंबंधित अनेक समस्या जाणवतात. रोगराई पसरल्यामुळे डेंग्यू, मलेरिया यांसारखे आजार वाढण्याची शक्यता असते. त्यामुळे वाढत्या आजारांपासून वाचण्यासाठी सकाळी उठल्यानंतर नियमित तुळस ओव्याच्या काढ्याचे सेवन करावे. हा काढा आरोग्यासाठी प्रभावी आहे.

पावसाळा ऋतू सुरु झाल्यानंतर आरोग्यासंबंधित अनेक समस्या वाढत जातात. रोगराई पसरून साथीचे आजार वाढतात. हे आजार वाढल्यानंतर रोगप्रतिकारशक्ती कमकुवत होत जाते. आजारांपासून शरीराचे नुकसान होऊ नये म्हणून आरोग्याची काळजी घेणे गरजेचे आहे. साथीचे आज वाढू लागल्यानंतर डेंग्यू, मलेरिया यांसारख्या रोगांचा संसर्ग होतो. त्यामुळे आहारामध्ये बाहेरच्या पदार्थांचे सेवन न करता घरी बनवलेले पौष्टीक अन्न खावे. सकाळी उठल्यानतंर नियमित व्यायाम करणे सुद्धा तितकेच गरजेचे आहे. सकाळी उठल्यानंतर काढ्याचे सेवन केल्यास रोगप्रतिकारशक्ती मजबूत राहते.(फोटो सौजन्य-istock)

सकाळी उठल्यानंतर पावसाळ्यात तुळस ओव्याचा काढा प्यावा:

काढा तयार करण्यासाठी लागणारे साहित्य:

• आले
• तुळशीची पाने
• ओवा
• हळद
• काळी मिरी

कृती:

• काढा तयार करण्यासाठी टोपात एक ग्लास पाणी गरम करण्यासाठी ठेवा.
• गरम झाल्यानंतर त्यात आले, तुळशीची पानं, काळी मिरी, हळद आणि ओवा टाकून सर्व पदार्थ उकळून घ्या.
• टोपातील पाणी अर्धे झाल्यानंतर गॅस बंद करून घ्या. त्यानंतर काढा गाळून घ्या.
• ओव्याचा काढा तुम्ही थंड करून किंवा गरम असताना सुद्धा पिऊ शकता.

तुळस ओव्याचा काढा पिण्याचे फायदे:

• तुळशीच्या पानांमध्ये औषधी गुणधर्म असतात. तसेच या पानांमुळे रोगप्रतिकारशक्ती मजबूत होते. पावसाळ्यात आजारांपासून शरीराचा बचाव होतो.
• आल्यामध्ये अँटी-इंफ्लेमेटरी, अँटी-फंगल आणि अँटी-ऑक्सिडंट्स आढळून येतात, यामुळे सर्दी आणि खोकला बरा होण्यास मदत होते.
• तुळशीचे पाने अँटी-इंफ्लेमेटरी, अँटी-व्हायरल, अँटी-बॅक्टेरियल, अँटी-डिप्रेसंट आणि अँटी-ऑक्सिडंट गुणधर्मांनी समृद्ध आहेत. यामुळे कफ होत नाही.
• हळदीमध्ये अँटी-व्हायरल, अँटी-ऑक्सिडंट आणि अँटी-बॅक्टेरियल गुणधर्म असतात, जे आजारांपासून शरीराचे होणारे नुकसान टाळण्यासाठी मदत करतात.
• पाऊस सुरु झाल्यानंतर पोटासंबंधित समस्या वाढतात. पोटासंबंधित आजारांपासून आराम मिळवण्यासाठी काढ्याचे सेवन करावे.
• पोट दुखीची समस्या जाणवू लागल्यानंतर ओवा खाण्यास दिला जातो. यामध्ये अँटी-बायोटिक, अँटी-सेप्टिक, अँटी-मायक्रोबियल गुणधर्म आढळून येतात. ज्यामुळे पोट दुखी कमी होण्यास मदत होते.
• सकाळी उठल्यानंतर तुम्ही नियमित ओव्याचा काढा पिऊ शकता. यामुळे तुमची रोगप्रतिकारशक्ती वाढेल.