फोटो सौजन्य: Freepik
पावसाळा सुरु झाला आहे आणि त्यासोबाबत सुरु झाली आहे ती रोगराई. याच मोसमात अनेक हॉस्पिटल्स डेंग्यूच्या रुग्णांनी भरले असतात. डास चावल्यामुळे होणाऱ्या डेंग्यूच्या आजारापासून स्वतःचे संरक्षण करणे खूप अवघड काम आहे. जे लोक डासांचा प्रादुर्भाव असलेल्या भागात राहतात त्यांना डेंग्यूचा सर्वाधिक धोका असतो. अशावेळी आपल्याला डेंग्यूची लक्षणं माहित असणे गरजेचे आहे.
डेंग्यू हा एक धोकादायक आजार आहे, जो रूग्णांमध्ये सांधेदुखी, थकवा, अंगदुखी यांसारख्या लक्षणांसह दिसून येतो. सहसा योग्य औषधांच्या साहाय्याने 1-2 आठवड्यांत तुम्ही यापासून मुक्त होऊ शकतात. परंतु अनेक वेळा डेंग्यूमधून बरे झाल्यानंतरही लोकांना बरे वाटत नाही, हे पोस्ट डेंग्यू सिंड्रोममुळे होते. चला जाणून घेऊया, हा पोस्ट डेंग्यू सिंड्रोम नेमका आहे तरी काय.
पोस्ट-डेंग्यू सिंड्रोम म्हणजे डेंग्यूचा ताप दूर झाल्यानंतरही टिकून राहणाऱ्या लक्षणांचा समूह. यात प्रामुख्याने थकवा, अशक्तपणा, सांधेदुखी, डोकेदुखी आणि झोपेच्या समस्यांचा समावेश आहे. योग्य काळजी न घेतल्याने काही वेळा ही लक्षणे आठवडे किंवा महिन्यापर्यंत टिकून राहतात.
विश्रांती घ्या: काही जण डेंग्यूमधून बरे झाल्यानंतर लगेच कामं करायला सुरुवात करतात परंतु हे असे करणे तुमच्या शरीरासाठी चांगले नाही. यामुळेच डेंग्यूमधून बरे झाल्यावर शरीराला पुरेशी विश्रांती द्या.
पौष्टिक आहार घ्या: प्रोटीन, जीवनसत्त्वे आणि खनिजांची उपयुक्त असलेल्या पदार्थांचा जसे की फळे, भाज्या, कडधान्ये, अंडी, मासे आणि चिकन यांचा आहारात समावेश करा. तसेच इलेक्ट्रोलाइट्स असलेली पेय प्या.
तणाव टाळा: तणाव टाळण्यासाठी योग, ध्यान किंवा इतर मनोरंजनात्मक कार्यक्रम पाहा.
नियमित तपासणी करा: लक्षणे कायम राहिल्यास, डॉक्टरांशी संपर्क साधा आणि नियमित तपासणी करा.
.png "Videos"){kind=small}
