‘या’ कारणांमुळे पावसाळ्यात वाढते कानातील इन्फेक्शन, डॉक्टरांनी सांगितले कारण

पावसाळ्यात जसे सगळीकडे हिरवाई पसरते तसेच रोगराईसुद्धा पसरते. या मोसमात मच्छर आणि पाण्यापासून होणाऱ्या आजारांव्यतिरिक्त अनेक इन्फेक्शन्स होत असतात. यातीलच एक म्हणजे कानातील इन्फेक्शन. चला जाणून घेऊया हे इन्फेक्शन होण्याची कारणे व त्यावरील उपाय.

पावसाळ्यात अनेक आजार आपले डोके वर काढत असतात. दूषित पाणी, मच्छर आणि चुकीच्या खानपानामुळे हे आजरासोबतच, डोळे किंवा कानातील इन्फेकशन सुद्धा वाढण्याचा धोका असतो. यामुळेच अनेक लोकं पावसाळ्यात चिंताग्रस्त असतात. अशा परिस्थितीत, या इन्फेकशनपासून स्वतःचे संरक्षण करणे महत्वाचे आहे, अन्यथा अनेक गंभीर समस्यांना सामोरे जावे लागू शकते.

यासंबंधी आम्ही डॉक्टरांचे मत जाणून घेण्याचा प्रयत्न केला, ज्यात त्यांनी हे अशा प्रकारचे इन्फेक्शन का होतात व त्यावरील उपाय काय याबद्दल सविस्तर माहिती दिली.

पावसाळ्यात इन्फेक्शनचा धोका का वाढतो?

पावसाळ्यात जास्त ह्यूमिडिटी आणि ओले वातावरणामुळे कानाला इन्फेक्शन होण्याचे प्रमाण सामान्य झाले आहे असे डॉक्टरांचे म्हणणे आहे. कानाच्या संसर्गाचे मुख्य कारण म्हणजे कानाच्या ईअर कॅनलमध्ये जास्त ओलावा निर्माण होतो, ज्यामुळे बॅक्टेरिया आणि बुरशीची वाढ होऊ शकते.

रोग आणि संसर्गास कारणीभूत असलेले जंतू जास्त ह्यूमिडिटी आणि पाऊस असलेल्या ठिकाणी वाढतात. तसेच ते पाण्याच्या संपर्कात बराच काळ राहतात, ज्यामुळे कानाला इन्फेक्शन होऊ शकते.

ईअर इन्फेक्शन पासून असा करा बचाव

• कानाचे इन्फेक्शन टाळण्यासाठी संपूर्ण पावसाळ्यात कान स्वच्छ आणि कोरडे ठेवा.
• पाण्यात पोहताना किंवा पावसात भिजल्यानंतर कान सुकविण्यासाठी टॉवेलची मदत घ्या. नंतर कान हळूवारपणे स्वच्छ करा.
• कान कॅनलच्या आत काहीही घालणे टाळा.
• पोहताना तुमच्या कानात पाणी जाऊ नये म्हणून इअरप्लग घाला.
• पर्सनल हाइजीनबद्दल जागरुक राहा आणि इतर लोकांना आपले इअरप्लग किंवा टॉवेल वापरायला देऊ नका.
• इन्फेक्शनला वाढण्यापासून रोखण्यासाठी डॉक्टरांचा सल्ला घ्या.
• तुमच्या घरात हवा खेळती असली पाहिजे, जेणेकरून घरातील ह्युमिडिटी कमी होईल. यामुळे कानातील इन्फेक्शन होण्याचा धोका कमी होतो.