तुमच्या सकाळची सुरुवात बनतेय जीवघेणी; चहा पत्तीमध्ये भेसळ, अशी करा पारख

देशात सगळ्यांची सुरुवात चहाने होते. लोकांना चहाची चटक येत असते. परंतु, तुम्हाला माहिती आहे का? चहा पत्तीमध्ये भेसळ होत आहे. अशा वेळी योग्य चहा पत्तीची निवड करणे गरजेचे ठरत आहे. अशा प्रकारे करता येईल पारख.

चहा म्हणजे लोकांच्या जिव्हाळ्याचा प्रश्न असतो. चहा फक्त परफेक्टच असावा असे लोकांचे म्हणणे असते. पण तुम्हाला माहिती आहे का? चहा बनवण्यासाठी सर्वात महत्वाचे मानले जाणारी चहा पत्ती आता भेसळने माखली आहे. त्यामुळे अशा चहाला जिव्हाळा बनवून स्वतःचा जीव पणाला लावण्यापेक्षा, चांगल्या चहा पत्तीची निवड करून जीवाला आणखीन ताजेपणा द्या. भारतीयांची सकाळ तर चहानेच होते. इतकेच नव्हे तर संध्याकाळीदेखील चहा लागतो. चहा पत्तीला बाजारात खूप मागणी आहे. मात्र, या मागणीमुळे नकली चहा पत्तीही विकली जाते. नकली चहा पत्ती चहाचा स्वाद खराब करते आणि आरोग्यासाठी हानिकारक ठरते. म्हणून खरी आणि नकली चहा पत्ती ओळखणे महत्त्वाचे आहे.

Soybean Farming: सोयाबीन खरेदी केंद्र सुरू करा; पुणे जिल्ह्यातील शेतकऱ्यांची राज्य शासनाकडे मागणी

भेसळ असणाऱ्या चहा पत्ती ओळखण्याचे सोपे उपाय:

• चहा पत्ती घ्या आणि सध्या पाण्यात मिसळा. साधारणता चहा पत्ती गरम पाण्यात किंवा गरम दुधामध्ये रंग सोडते. पण नकली चहाच्या बाबतीत तसे काही नाही. भेसळ असणारी चहा पत्ती अगदी सध्या पाण्यातही रंग सोडते. जर चहा पत्ती सध्या पाण्यातही रंग बदलत असेल, तर त्यामध्ये भेसळ आहे.
• नकली चहा पत्तीमध्ये लहान लोखंडाचे कण असू शकतात. ते ओळखण्यासाठी चुंबकाचा वापर करा. चहा पत्तीवर चुंबक फिरवा. जर लोखंडाचे कण असतील, तर ते चुंबकाला चिकटतील, अशा प्रकारे तुम्ही भेसळ असणाऱ्या चहा पत्तीची ओळख करावी.
• फिल्टर पेपरवर चहा पत्ती ठेवा आणि ती किंचित ओलसर करा. जर पेपरवर तपकिरी डाग पडत असेल, तर ती पत्ती भेसळयुक्त आहे.
• टिश्यू पेपरवर चहा पत्ती ठेवा आणि त्यावर पाणी टाका. खरी चहा पत्ती पाणी शोषून घेते आणि डाग राहत नाही. नकली चहा पत्ती टिश्यूवर रंगाचे डाग सोडते. अशा प्रकारे तुम्ही चहा पट्टीमध्ये भेसळ आहे कि नाही हे ओळखू शकता.

नक्की काय असतात भेसळ असणाऱ्या चहा पत्तीचे तोटे?

• भेसळ असणाऱ्या चहा पत्तीत रसायने असतात, जी शरीरासाठी धोकादायक असतात.
• भेसळ असणाऱ्या चहा पत्तीतल्या रसायनांमुळे पचनाची समस्या होऊ शकते. अपचनामुळे अनेक शारीरिक समस्या उदभवतात.
• भेसळ असणाऱ्या चहा पत्तीतल्या रसायनांमुळे काही प्रकारच्या कॅन्सरचा धोका असतो.

डायबिटीसच्या रुग्णांनी टाळावयाचे प्रोसेस्ड पदार्थ; हे खाणे टाळाल तर फायद्यात राहाल

खरी चहा पत्ती निवडताना घ्यायची काळजी:

• चहा पत्ती नेहमी विश्वासार्ह ब्रँडची घ्या.
• पत्ती एअरटाइट डब्यात ठेवा आणि उन्हापासून दूर ठेवा.
• खरेदी करताना एक्सपायरी डेट तपासा.

ही सोपी पद्धत वापरून तुम्ही नकली चहा पत्ती टाळू शकता आणि चहाचा स्वादसुद्धा टिकवू शकता.