बुधवार, 21 ऑक्टोबर 2026
रायगड : रायगड जिल्ह्यात पहाटे तीनच्या सुमारास भीषण अपघात (Raigad Accident) झाला. या अपघातात रिपाई नेत्यासह तिघांचा मृत्यू झाला आहे. कर्जत किरवली पुलावरून ही कार खाली कोसळली. या अपघातात दोघे गंभीर जखमी झाले.
कर्जत किरवली पुलावरून कार जात असताना कार खाली कोसळली. रिपाइं नेते तसेच नेरळ ग्रामपंचायतीचे सदस्य असलेले धर्मानंद गायकवाड त्यांच्या परिवारासोबत मंगळवारी पहाटे त्यांच्या कारने प्रवास करत होते. पहाटे त्यांची कार मुंबईहून कर्जत कल्याण मार्गावरुन नेरळच्या दिशेने येत होती. त्यांची कारकिरवली पुलाजवळ आल्यानंतर गायकवाड यांचा कारवरील ताबा सुटला.
मालगाडीवर कार आदळल्यानंतर मालगाडी तिथेच थांबवण्यात आली. त्याचवेळी रेल्वे प्रशासनाने तत्काळ पोलिसांना घटनेची माहिती दिली. पोलिसांनी घटनास्थळी धाव घेत कारमधील पाच जणांना बाहेर काढले. त्यानंतर त्यांना तातडीने कर्जत उपजिल्हा रुग्णालयात उपचारासाठी दाखल करण्यात आले.
रुग्णालयात दाखल केल्यानंतर डॉक्टरांनी धर्मानंद गायकवाड (40), नितीन जाधव (35), मंगेश जाधव (30) यांना मृत घोषित केले. धर्मानंद गायकवाड यांनी नेरळ ग्रामपंचायत निवडणूक लढवली होती.
