मुंबई : बॉलिवूड अभिनेता सुशांत सिंह राजपूत याच्या मृत्यूच्या (Sushant Singh Rajput Death) जवळपास अडीच वर्षांनंतर आता पुन्हा त्याची चर्चा सुरू झाली आहे. यातच ही आत्महत्या (Suicide) नव्हे हत्याच आहे, असा खळबळजनक दावा रुग्णालयातल्या एका कर्मचाऱ्याने केला आहे.
अभिनेता सुशांत सिंह राजपूतने आत्महत्या केली नसून त्याची हत्या (Murder) झाली होती, असा दावा कूपर रुग्णालयातल्या (Cooper Hospital) कर्मचारी रुपकुमार शाह यांनी केला आहे. सुशांतचा मृतदेह आला तेव्हा त्याच्या मृतदेहावर जखमा होत्या, शरीराला मुका मार लागला होता, असेही शाह यांनी सांगितले.
शाह पुढे म्हणाले, मृतदेहावर शवविच्छेदन (Post Mortem) होत असताना मी पूर्ण वेळ तिथे होतो. मी डॉक्टरांना सांगितले की, ही सुसाईड केस नसून मर्डर केस आहे. पण त्यावेळी कोणीच माझ्याकडे लक्ष दिलो नाही. नोकरीत आपल्याला त्रास होऊ नये म्हणून आपण इतके दिवस याविषयी बोललो नसल्याचेही शाह यांनी सांगितले. रुपकुमार शाह हे कूपर रुग्णालयातल्या शवागृहातच काम करत होते. दीड महिन्यांपूर्वी ते निवृत्त झाले. त्यानंतर त्यांनी खुलासा केला आहे.
.png "Videos"){kind=small}
