पिंपरी : दोन दिवसांपूर्वी ब्लॅकने तिकीट विक्री आणि आता सट्टा घेणार्या एका मोठ्या बुकीला अटक केली आहे. इंग्लंड विरुद्ध दक्षिण आफ्रिका क्रिकेट सामन्यावर सट्टा घेणाऱ्या एका बुकीला काळेवाडी येथून गुंडा विरोधी पथकाने अटक केली. त्याच्याकडून तब्बल 40 लाख रुपयांची रोकड जप्त करण्यात आली आहे. ही कारवाई शनिवारी करण्यात आली. दिनेश हरीश शर्मा (38, रा. काळेवाडी) असे अटक केलेल्या आरोपीचे नाव आहे.
लाईव्ह लाईन इन या सोशल मिडियावरून लाईव्ह बेटींग
पोलीस उपायुक्त स्वप्ना गोरे यांनी दिलेल्या माहितीनुसार, काळेवाडी परिसरात गस्त घालत असताना गुंडा विरोधी पथकाचे प्रमुख सहायक पोलीस निरीक्षक हरीश माने यांना माहिती मिळाली की, निरंकारी भवन जवळ, काळेवाडी येथे एकजण क्रिकेट लाईव्ह लाईन इन या सोशल मिडिया वरुण बेटिंग घेत होता.
दिनेश शर्मा याला ताब्यात
त्यानुसार पोलिसांनी सापळा लाऊन दिनेश शर्मा याला ताब्यात घेतले. त्याच्याकडून 40 लाख रुपये रोख रक्कम, दोन मोबाईल फोन आणि एक कल्क्युलेअर असा एकूण 40 लाख 80 हजार 100 रुपये किमतीचा ऐवज जप्त करण्यात आला.
सामना सुरु झाल्यानंतर या भावात बदल
इंग्लंड विरुद्ध दक्षिण आफ्रिका या क्रिकेट सामन्यात इंग्लंड जिंकले एक रुपयाला 60 पैसे आणि दक्षिण आफ्रिका जिंकले तर एक रुपयाला 61 पैसे असा सुरुवातीचा भाव ठरलेला असतो. सामना सुरु झाल्यानंतर या भावात बदल होतो.
गुंडा विरोधी पथकाची कामगिरी
ही कारवाई पोलीस आयुक्त विनयकुमार चौबे, सह पोलीस आयुक्त डॉ. संजय शिंदे, अपर पोलीस आयुक्त वसंत परदेशी, पोलीस उपायुक्त स्वप्ना गोरे, सहायक पोलीस आयुक्त सतीश माने यांच्या मार्गदर्शनाखाली गुंडा विरोधी पथकाचे प्रमुख सहायक पोलीस निरीक्षक हरीश माने, पोलीस अंमलदार हजरत पठाण, गणेश मेदगे, नितीन गेंगजे, शाम बाबा, रामदास मोहिते, तौसीफ शेख व तांत्रिक विश्लेषण विभागाचे पोलीस अंमलदार पोपट हुलगे यांनी केली आहे.
.png "Videos"){kind=small}
